FK «Minsk» vystupiŭ suprać hrubaha staŭleńnia AMAPa da darosłych zaŭziataraŭ i dziaciej
Kiraŭnictva futbolnaha kłuba «Minsk» vystupiła z zajavaj «My suprać nasilla!», u jakoj vykazała zaniepakojenaść dziejańniami supracoŭnikaŭ AMAPa na matčy za Supierkubak Biełarusi ŭ staličnym futbolnym maniežy.
«My asudžajem nieapraŭdanaje prymianieńnie siły z boku supracoŭnika AMAP u dačynieńni da zaŭziatara futbolnaha kłuba «Minsk», jaki pa pieršym patrabavańni supracoŭnika AMAP vyjści ź siektara padparadkavaŭsia. Niahledziačy na heta, na vačach dziaciej da jaho była prymienienaja hrubaja siła: jaho ŭdaryli ab rekłamnuju kanstrukcyju i ab dźviarnoje škło», — havorycca ŭ zajavie.
Akramia taho, kiraŭnictva kłuba «ličyć nieabchodnym źviarnuć uvahu na staŭleńnie supracoŭnikaŭ AMAP da dziaciej na stadyjonie.
«Padčas praviadzieńnia matča siarod aktyŭnych zaŭziataraŭ FK «Minsk» vykazali žadańnie znachodzicca dzieci 8-9 hadoŭ, u tym liku vychavancy FK «Minsk». Na praciahu pieršaha tajma jany arhanizavana padtrymlivali kamandu, zachoŭvajučy paradak i vykonvajučy pradpisańni supracoŭnikaŭ pravaachoŭnych orhanaŭ. Adnak u pierapynku było addadziena rasparadžeńnie nie vypuskać aktyŭnych balelščykaŭ FK «Minsk» ź ich miescaŭ (nie pierakusić, nie schadzić u prybiralniu), što nie było rastłumačana dzieciam, jakija znachodzilisia siarod aktyŭnych zaŭziataraŭ upieršyniu».
«Zamiest hetaha ŭ ich adras byŭ vykarystany hruby ton i vykazvańni, što, vidavočna, admoŭna abiłasia na psichałahičnym stanie maładych zaŭziataraŭ».
«Dziakujučy ŭdziełu supracoŭnikaŭ FK «Minsk» i razumieńniu adnaho z supracoŭnikaŭ AMAP dzieciam usio-taki było dazvolena pakinuć svaje miescy ŭ pierapynku, adnak u druhim tajmie ni adzin ź ich bolš nie baleŭ za svaju kamandu», — adznačajecca ŭ zajavie.
«Takaja situacyja vyklikaje vialikuju tryvohu ŭ kiraŭnictva FK «Minsk», adnoj z asnoŭnych zadač u jakoha źjaŭlajecca papularyzacyi zdarovaha ładu žyćcia siarod dziaciej i moładzi, a taksama pašyreńnie śfier ich kulturnaha volnaha času», — padkreślivajuć aŭtary.
Situacyja, jakuju apisvaje futbolny kłub «Minsk», uźnikła ŭsiaho tolki praz try dni paśla sieminara pa biaśpiecy pry praviadzieńni matčaŭ z udziełam pradstaŭnikoŭ MUS, HUUS Minharvykankama, UUS abłvykankamaŭ, MNS, zaŭziataraŭ, jaki prajšoŭ u fiederacyi futboła.
Prablema niadopusku zaŭziataraŭ u prybiralniu ŭźnikaje ŭ futbolnym maniežy ŭžo nie pieršy raz.
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary