U Rasii zabaranili ŭkrainskija cukierki
Rasspažyŭnahlad uvioŭ zabaronu na pastaŭki ŭ Rasiju pradukcyi kampanii «Rašen» — adnaho z najbujniejšych vytvorcaŭ kandytarskich vyrabaŭ va Ukrainie. Pra heta ŭ paniadziełak, 29 lipienia, paviedamlaje «Interfaks» sa spasyłkaj na kiraŭnika Rasspažyŭnahladu Hienadzia Aniščanki.
Pa słovach Aniščanki, ekśpiertyza pradukcyi Rašen, uziataja ŭ handlovych sietkach Maskvy, pakazała, što kandytarskija vyraby «nie adpaviadajuć zajaŭlenym paramietram». U pryvatnaści, raspavioŭ Aniščanka, u šakaładzie małočnym «Rašen» byŭ znojdzieny bienzapiren.
U siaredzinie lipienia Aniščanka paskardziŭsia na jakaść kandytarskich vyrabaŭ, jakija pastupajuć z Ukrainy, i adznačyŭ, što ŭ jaho viedamstvie niezadavolenyja, u pryvatnaści, pradukcyjaj Rašen.
Rašen vypuskaje kala 200 vidaŭ kandytarskaj pradukcyi, u tym liku šakaład i šakaładnyja cukierki, piečyva, vafli, biskvitnyja rulety i tarty. Štohadovy abjom vytvorčaści kampanii składaje 450 tysiač ton. Pradpryjemstvy Rašen raźmieščany va Ukrainie, u Litvie, Vienhryi, a taksama ŭ Rasii, dzie ŭ kampanii majucca dźvie vytvorčyja placoŭki na Lipieckaj kandytarskaj fabrycy. Rasspažyŭnahlad, rastłumačyŭ Aniščanka, pravodziŭ ekśpiertyzu kandytarskaj pradukcyi, vyrablenaj na čatyroch fabrykach Rochen va Ukrainie.
U minułym Rasspažyŭnahlad nie raz vykarystoŭvaŭsia ŭ palityčnych metach. Pad jaho zabaronu traplali biełaruskaje małako, małdaŭskija viny, hruzinskaja baržomi — pradukcyja najlepšaj jakaści, lepšaja za rasijskija anałahi. Paśla ŭrehulavańnia kanfliktaŭ pradukcyja adrazu pierastavała być niajakasnaj i viartałasia na rasijski rynak.
Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi6
Kamientary