Siońnia śviatkuje svajo55-hodździe fiłołah, pierakładčyk, piedahoh i hramadski dziejač Lavon Barščeŭski.
Adzin z udzielnikaŭ baraćby za niezaležnaść, jon tak uzhadvaŭ pra 1991 hod: «Ničoha nie ŭpała ź nieba. Hramadskaja dumka była padrychtavanaja. I historyja ŭsio padrychtavała. I raniej zmahalisia ludzi za lepšaje žyćcio, za toje, kab być samastojnymi, moža, nie da kanca heta ŭśviedamlajučy, — u vojnach papiarednich. I baćki BNR — jany maryli pra heta, zmahalisia za heta. Nu, a
našamu pakaleńniu ŭdałosia bolš».
Lavon Barščeŭski naradziŭsia ŭ Połacku ŭ 1958 hodzie. Paśla skančeńnia Linhvistyčnaha ŭniviersiteta pracavaŭ u Połacku j Navapołacku.
U 1985 hodzie Lavon Barščeŭski razam ź Siarhiejem Šupam stvaryŭ u Minsku kłub maładych pierakładnikaŭ «Vaviłon». Kłub zhurtavaŭ biełarusafiłaŭ, jakija imknulisia šlacham pierakładaŭ adnavić pravy i status nacyjanalnaj movy.
Jak pierakładnik, Barščeŭski pierakłaŭ Brechta, Biola, Kafku, Šylera, Hiote. Pierakłaŭ trahiedyi Eschiła, Safokła, Jeŭrypida, kamiedyi Arystafana, Mienandra, apovieści Astryd Lindhren i Jarasłava Ivaškievič, paemy Edhara Ałana Po i Hałčynskaha, traktat Imanuiła Kanta, pjesy Bekieta, Dziurenmata, Haŭła, Mrožaka, knihi niamieckich historykaŭ R.Lindnera («Historyki i ŭłada») i B.Kjary («Štodzionnaść za linijaj frontu») dy dziasiatkaŭ inšych aŭtaraŭ z roznych movaŭ.
Barščeŭski — aŭtar knih papularnych narysaŭ «Litaratura ad staražytnaści da pačatku epochi ramantyzmu» (2003) i «Biełaruskaja litaratura i śviet» (2006; razam z P.Vasiučenkam i M. Tyčynam).
U 1990 jaho abirajuć deputatam ad Navapołacka i jon dałučajecca da frakcyi Narodnaha Frontu.Z 1995 hoda jon namieśnik staršyni Biełaruskaha narodnaha frontu «Adradžeńnie», u 1996–1999 hadach — vykonvaŭ abaviazki staršyni partyi paśla emihracyi Zianona Paźniaka. U 2007–2009 hadach jon iznoŭ staje staršynioj i sprabuje pajadnać arhanizacyju, jakuju skałanali novyja kanflikty pakaleńniaŭ.
Adnak hałoŭnaj spravaj svajho žyćcia Lavon Barščeŭski ličyć zasnavalnictva i vykładańnie ŭ Licei imia Jakuba Kołasa — piłotnaj ustanovie jakasnaj biełaruskamoŭnaj adukacyi.Doŭhija hady jon zajmaje ŭ joj pasadu namieśnika dyrektara, u tym liku ŭ niervovyja hady paśla aficyjnaha zakryćcia Liceja ŭładami ŭ 2003.
«Naša Niva» vinšuje jaho z narodzinami i zaklikaje čytačoŭ dałučacca da vinšavańniaŭ.
Pieśni ŭ pierakładach Lavona Barščeŭskaha.
Kamientary