Здароўе

Глыбока ў лёгкіх жывых людзей знайшлі часцінкі пластыку. Невядома, як гэта ўплывае на здароўе

Навукоўцы ўпершыню выявілі мікрапластык (так называюць маленькія часцінкі пластыку) глыбока ў лёгкіх жывых людзей. Забруджванне знайшлі амаль ва ўсіх узорах тканак, што былі прадстаўленыя на аналіз.

Мікрапластык. Фота: commons.wikimedia.org

Навукоўцы прааналізавалі тканкі лёгкіх 13 пацыентаў, якія праходзілі праз аперацыі на лёгкіх, і знайшлі часцінкі пластыку ў 11 з іх. Часцей за ўсё сустракаўся поліпрапілен, які выкарыстоўваюць у пластыкавай упакоўцы, і ПЭТ (поліэтылентэрэфталат), што ўваходзіць у склад бутэлек. Раней навукоўцы таксама знаходзілі пластык у лёгкіх падчас анатаміравання трупаў.

Даўно вядома, што маленькія часцінкі пластыку могуць трапляць у чалавечы арганізм падчас дыхання, а таксама праз ежу і ваду. У сакавіку мікрапластык ўпершыню знайшлі ў чалавечай крыві, і гэта даказала, што часцінкі могуць рухацца па целе і адкладацца ў органах, піша Guardian.

Уплыў яго на здароўе пакуль невядомы, але вядома, што падчас лабараторных эксперыментаў мікрапластык шкодзіць чалавечым клеткам. Больш за тое, часцінкі хімічных элементаў, што выклікаюць забруджванне паветра, дакладна могуць трапляць у арганізм і выклікаць хваробы, што прыводзяць кожны год да мільёнаў заўчасных смерцяў. Таму, магчыма, аналагічнымі будуць і наступствы забруджвання пластыкам.

Адна з галоўных аўтарак працы, даследчыца Лаура Садофскі з Медыцынскай школы Халл-Ёрка ў Брытаніі, тлумачыць, што асабліва здзівіла навукоўцаў: «Мы не чакалі, што знойдзем у ніжніх долях лёгкіх больш за ўсё часцінак, а таксама што часцінкі, знойдзеныя там, будуць такога памеру (такія вялікія — заўв. Рэд.). Гэта дзіўна, бо дыхальныя шляхі ў ніжняй частцы лёгкіх больш вузкія, і можна было чакаць, што часцінкі такога памеру не здолеюць прайсці па іх настолькі далёка».

Садофскі тлумачыць, што новая інфармацыя — важныя даныя для вывучэння праблемы бруднага паветра, мікрапластыка і яго ўплыву на чалавечае здароўе. Яе можна будзе выкарыстоўваць для далейшых лабараторных эксперыментаў, каб дакладна высветліць, наколькі мікрапластык шкодзіць здароўю.

Хвароба Бруса Уіліса: як распазнаць сімптомы афазіі і калі звяртацца па лячэнне

Псіхолаг распавяла, як трымацца і захаваць сябе, калі ідзе вайна

«Наша Ніва» аднаўляе збор данатаў — падтрымаць проста

Каментары

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск32

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →