Свет

З-за санкцый ЗША дрэйфуюць у моры як мінімум 65 танкераў з расійскай нафтай

Прынамсі 65 танкераў з расійскай нафтай дрэйфуюць каля берагоў Кітая, Сінгапура і Расіі пасля таго, як 10 студзеня ЗША абвясцілі пра новы пакет блакавальных санкцый. Пра гэта паведамляе Reuters са спасылкай на звесткі адсочвання суднаў.

Фота ілюстрацыйнае

Пяць танкераў стаяць каля берагоў Кітая, яшчэ сем — каля Сінгапура, іншыя затрымаліся ў Балтыйскім моры і на Далёкім Усходзе, піша агенцтва. У гэты лік уваходзяць таксама 25 нафтавых танкераў, якія стаялі ў розных месцах, у тым ліку ў партах Ірана і недалёка ад Суэцкага канала.

Учора стала вядома, што ў водах на ўсход ад узбярэжжа Кітая дрэйфуюць тры танкеры, якія перавозяць больш за два мільёны барэляў расійскай нафты. Гэта адбылося пасля таго, як кампанія, якая кіруе партамі правінцыі Шаньдун, забараніла прымаць танкеры, якія трапілі пад санкцыі, паведаміў Bloomberg.

Паводле звестак агенцтва, яшчэ адзін найбуйнейшы пакупнік расійскай нафты, Індыя, таксама адмовіць у разгрузцы танкерам, якія трапілі пад санкцыі ЗША. Выключэннем будуць судны, зафрахтаваныя да 10 студзеня, пры ўмове, што яны разгрузяцца да 12 сакавіка. Акрамя таго, індыйскія банкі будуць патрабаваць сертыфікаты аб паходжанні нафты, каб гарантаваць, што яна не паступае ад пастаўшчыкоў, якія знаходзяцца пад санкцыямі.

10 студзеня Злучаныя Штаты ўвялі блакавальныя санкцыі супраць двух найбуйнейшых экспарцёраў нафты ў Расіі — «Газпрам нафты» і «Сургутнафтагаза». З імі, а таксама з дзесяткамі іншых кампаній цяпер забаронена мець фінансавыя адносіны з выкарыстаннем даляра ці амерыканскай фінансавай сістэмы.

Санкцыі таксама распаўсюджаныя на найбуйнейшую расійскую суднаходную кампанію «Саўкамфлот». Пад абмежаванні трапілі 183 танкеры пад сцягамі розных краін, якія, як мяркуецца, перавозяць расійскую нафту і нафтапрадукты, парушаючы санкцыі заходніх краін.

Каментары

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Усе навіны →
Усе навіны

Аляксандр Лукашук: Аднойчы мяне прадставілі ў эфіры: «На сувязі з намі Аляксандр Лукашэнка». Мая мама плакала10

Паўлу Вабішчэвічу, якога абвінавацілі нібыта ў спробе падрыву пасажырскага цягніка, далі 23 гады калоніі3

EPAM і Wargaming заплацілі самыя вялікія падаткі сярод усіх літоўскіх IT-кампаній10

Спецпрадстаўнік ЗША: Санкцыі супраць Расіі працуюць «на 3 балы з 10», іх можна ўзмацніць14

Беларускую добраахвотніцу Марыю Зайцаву пахавалі на могілках у Кіеве ФОТА3

Ва Уруччы пабудуюць чатыры шматпавярховікі4

Мілы сабака на запраўцы, што радуецца любому чалавеку, скарае сацсеткі18

ЗВР Беларусі дасягнулі 9 мільярдаў даляраў7

Як тэлешоу дапамаглі знізіць колькасць разводаў у Паўднёвай Карэі3

больш чытаных навін
больш лайканых навін

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Галоўнае
Усе навіны →

Заўвага:

 

 

 

 

Закрыць Паведаміць