«Адзін раз пракалолася, калі была маладой старшынёй. Мне крычалі, што няма нічога святога».
Нядаўна былая старшыня ЦВК Лідзія Ярмошына расказвала, што дату выбараў трэба вызначыць па-сталінску (і тады аптымальныя месяцы — сакавік і лістапад). Аднак наступныя выбары ў Беларусі пройдуць у студзені. Таму цяпер у ток-шоу на СТБ Ярмошына даводзіла, што да Сталіна можна не прыслухоўвацца, бо «часы, калі мы былі звязаныя з умовамі надвор'я, прайшлі».
«Іосіф Вісарыёнавіч гаварыў — ці ў сакавіку, ці ў лістападзе. То-бок, калі няма замаразкаў, калі конь на падводзе дабярэцца да аддаленых раёнаў Краснадарскага краю. Таму зіма зусім не падыходзіла для гэтага».
«Мы жывём у век высокіх тэхналогій, мы мабільныя, на транспарце. Тым больш, мы маленькая краіна», — дадала Ярмошына.
У тым, што выбары прызначаны на студзень, яна бачыць плюсы.
«Увесь перыяд перадвыбарчай агітацыі — гэта якраз канец снежня — студзень, студзеньскія святы. Для кандыдатаў у прэзідэнты проста цалкам нармальнае, спрыяльнае асяроддзе, каб пра сябе заявіць. Прычым заявіць пазітыўна — гэта ж святы. Канікулы школьныя скончацца, настаўнікі выйдуць. Актыўнага перыяду адпачынкаў няма».
А пасля Ярмошына згадала пра свой пракол з выбарам даты выбараў:
«Нас калісьці папракалі за тое, што (пасля я кожны раз пралічвала) адзін раз пракалолася, калі была маладой старшынёй. Другі тур выбараў мясцовых калісьці трапіў на каталіцкі Вялікдзень. Мне крычалі, што няма нічога святога».
У далейшым, па словах Ярмошынай, ЦВК прапаноўвала такія даты, каб з царкоўнымі святамі не супадала.
Цяпер, пераканана былая старшыня ЦВК, «спекуляваць зусім няма на чым».
«У канцы канцоў студэнты ну вып'юць 25-га [на Таццянін дзень, які лічыцца Днём студэнта], яны ж датэрмінова могуць прагаласаваць 21-га», — дадала Ярмошына.
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары8
Каментары