Грамадства1212

Марат Маркаў: ДзяржСМІ вызваліліся ад людзей з «ідэалагічнай разгубленасцю»

Будзе правільна, калі чалавек з меркаваннем, альтэрнатыўным дзяржаўнаму, не будзе «карміцца з дзяржаўнай кішэні», адзначыў кіраўнік Мінінфарма.

Марат Маркаў. Фота: Белтэлерадыёкампанія

Рэдакцыі дзяржаўных СМІ ў асноўным пазбавіліся ад тых людзей, якія схільныя мяняць сваё меркаванне наконт палітыкі, што праводзіцца ў Беларусі, і да прэзідэнцкіх выбараў 2025 года падыходзяць больш устойлівымі і прафесійнымі, пра гэта заявіў міністр інфармацыі краіны Марат Маркаў у інтэрв'ю тэлеканалу «Беларусь-1».

Паводле яго слоў, школа, якую давялося прайсці падчас пратэстаў апазіцыі падчас прэзідэнцкіх выбараў у 2020 годзе і пасля гэтых падзей, шмат чаму навучыла.

«Людзі, у якіх было слізгуючае ідэалагічнае выхаванне, якія сёння кажуць адно, а заўтра могуць казаць абсалютна іншае, і гэта называецца «я стаў відушчым, я разабраўся»… ад такіх людзей у большасці вызваліліся», — сказаў Маркаў.

Міністр інфармацыі адзначыў, што прынамсі будзе сумленна, калі той, хто мае альтэрнатыўнае дзяржаўнаму меркаванне, не пойдзе «карміцца з дзяржаўнай кішэні» і стане зарабляць грошы сваім розумам і працай.

Маркаў паведаміў, што дзяржава выдзяляе дастаткова сродкаў для развіцця інфармацыйнай сферы ў Беларусі. І ва ўмовах разгорнутай супраць краіны інфармацыйнай вайны не могуць сабе дазволіць «проста інфармаваць ці проста забаўляць».

«Нават у забаўляльны праект можна ўсунуць столькі правільных пасылаў і ідэалогіі, што ён будзе фармаваць светапогляд так, як трэба для таго, каб краіна квітнела і развівалася. І наадварот — закласці столькі мін пры жаданні, якія будуць спрыяць таму, каб асновы грамадзянскай супольнасці і дзяржавы пахіснуць», — падкрэсліў міністр інфармацыі.

Аляксандр Лукашэнка прызначыў Марата Маркава міністрам інфармацыі 13 чэрвеня. Да гэтага Маркаў з 2017 года ўзначальваў тэлеканал АНТ, куды прыйшоў з «Белтэлерадыёкампаніі», дзе працаваў намеснікам старшыні.

Каментары12

  • Такія справы рабятушкі
    24.06.2024
    20 год дапамог сістэме умацавацца і пазбавіцца ад слабых мейсц гэта і ёсць вынік так званай ціхай рэвалюцыі
  • понятно
    24.06.2024
    Остались ябатьки и рускомирцы.
    Если перевести на нормальный язык, то, марков сказал, что госсми (правильнее лукасми)  избавились от беларусов.
  • НИК
    24.06.2024
    [Рэд. выдалена]

Байдэн выходзіць з прэзідэнцкай гонкі36

Байдэн выходзіць з прэзідэнцкай гонкі

Усе навіны →
Усе навіны

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

Олаф Шольц дагэтуль глядзіць лямпавы тэлевізар6

Славакія і Венгрыя спыняюць пампаваць нафту праз трубаправод «Дружба». Гэта важна і для Беларусі

УСУ нанеслі ўдар па вайсковым аэрадроме ў Растоўскай вобласці1

Немец, прысуджаны да расстрэлу, датычны да дыверсій? Вось што за гісторыя гэта магла быць9

У ЗША вызвалілі жанчыну, якая адсядзела 43 гады ні за што2

Пасля ўрагану беларусы падалі больш за 10 тысяч заявак у Белдзяржстрах1

Пад Мінскам бусел купаўся ў возеры разам з людзьмі ВІДЭА5

больш чытаных навін
больш лайканых навін

Байдэн выходзіць з прэзідэнцкай гонкі36

Байдэн выходзіць з прэзідэнцкай гонкі

Галоўнае
Усе навіны →