Грамадства1515

Жыгар з «Белпола»: Сыходзім ад прывязкі да аб'яднання сілавікоў. А Сахашчык нам нецікавы

Журналіст «Нашай Нівы» на адным з дыпламатычных прыёмаў сустрэў прадстаўніка «Белпола» Уладзіміра Жыгара і задаў некалькі пытанняў — пра Сахашчыка, абмену сексотаў КДБ на палітвязняў і іншае.

Апошнім часам Белпол выпусціў некалькі гучных расследаванняў, Лукашэнка апраўдваўся нягегла і публічна — што рэдкасць. 

Уладзімір Жыгар — адзін з асноўных твараў Белпола пасля таго, як арганізацыя раскалолася. Гаварыць з былымі сілавікамі складана. Яны не расказваюць і лічаць сакрэтнымі нават тыя рэчы, якія, здавалася б, можна было б і публічыць. Але як ёсць. 

Прыводзім кароткую размову. 

— Што думаеце пра канспіралагічны ліст Сахашчыка (аб удары па АЭС)? Ці верыце ў тое, што інфармацыю перадалі заходнія спецслужбы?

— Нам гэты ліст Сахашчык таксама адправіў. Тэкст у ім, мякка кажучы, выклікаў у нас пытанні. Як па змесце, так і па выкананні: дакумент не робіцца сакрэтным ад таго, што на ім напісалі «цалкам сакрэтна». Гэта не так працуе. 

— А як ацэньваеце той канспіралагічны канал, адкуль Сахашчык чэрпае свае інсайды? 

— Гэтая персона і яго дзейнасць нам не вельмі цікавая. 

— Выглядае, што Белпол сыходзіць у бок эканамічных расследаванняў. 

— Белпол сыходзіць ад прывязкі да «Аб’яднання былых сілавікоў»: задачы, якія мы вырашаем, інфармацыю, якую мы збіраем і аналізуем, падыходы і метады наўрад ці ўжо маюць наўпроставую сувязь з нашым мінулым. Мы выраслі і выйшлі на іншы ўзровень у разуменні працэсаў у Беларусі. Цяпер мы — дэмакратычная арганізацыя з пэўным бэкграўндам і профілем дзейнасці. Мы пашырылі і павялічылі свой штат, цяпер у ім і эканамісты, і аналітыкі і айцішнікі.

Так, эканоміка нас цікавіць: санкцыі супраць выканаўцаў нічога не даюць, рэжым не пераймаецца лёсамі сваіх шасцёрак у судзейскіх манціях ці ў міліцэйскай форме. А вось эканоміка — гэта балюча. І мы пайшлі туды.

І мы найбольш цэнім тое, што нашыя крыніцы з Беларусі. Яны там жывуць, [шмат] ведаюць. І дзеляцца інфармацыяй з намі. Такім чынам гэтыя людзі адчуваюць сваю датычнасць да барацьбы за дэмакратыю. Як могуць. 

— Шмат увагі Лукашэнку. 

— Так. Бо ўся Беларусь, па вялікім рахунку, гэта актыў сям’і Лукашэнкаў. Гэта калі па-філасофску. А практычна… Мы лічым, што дабярэмся і выцягнем на белы свет і персанальныя актывы сям’і Лукашэнкаў за мяжой.

— Што цікавага рыхтуеце? 

— У бліжэйшую нядзелю мы раскажам, як Лукашэнка зарабляе на вайне, адначасова расказваючы пра недапушчальнасць пралівання крыві. Мы лічым, што гэта ў нас атрымаецца нават з элементамі міжнароднага скандалу, будзе на што паглядзець. 

— Раскажыце пра агентаў КДБ на Захадзе. Які звычайны партрэт чалавека, які супрацоўнічае са спецслужбамі рэжыму, што імі рухае? Колькі вы іх знайшлі ўжо? І як увогуле распазнаць стукача ў сваім атачэнні. 

— Штомесячна нам паступае некалькі дзясяткаў запытаў ад беларускіх дыяспар з просьбамі праверыць людзей. Дарэчы, прасілі нават праверыць журналістаў «Нашай Нівы», якія ў нейкай там сітуацыі паказаліся падазронымі.

Вельмі часта просяць: «а праверце вось такога, таму што ён цікавіцца рэчамі, да якіх у яго няма прамога інтарэсу; навязваецца, імкнецца ўбудавацца ў працэсы і засвоіцца ў чужых кампаніях». Але забаўна, што такія падазрэнні часцей за ўсё аказваюцца памылковымі.

«Агентамі» ў тым сэнсе, што потым перадаюць інфармацыю спецслужбам рэжыму, з’яўляюцца такія людзі, на якіх не падумаеш. Якія часта робяць гэта мімаволі, паддаўшыся на шантаж. Такіх мы таксама знаходзілі. Практычны вынік — іх затрымлівалі, а потым дэпартавалі з Еўрасаюза назад у Беларусь.

— А ці магчымы быў бы варыянт абмену такіх сексотаў на палітвязняў? 

— Думаю, што не. Любыя сексоты каштоўныя для рэжыму толькі пакуль прыносяць карысць. Калі іх схапілі — яны ўжо непатрэбныя, яны не ўяўляюць каштоўнасці для абмену. 

Каментары15

  • Валя
    18.05.2024
    Срач. Срач і срач. Вы ніколі не былі рпзам з беларусамі. Вы- не апазіцыя. Дурні
  • 30-я дывізія
    18.05.2024
    Вот эта новы узровень! Селі на гранты для СМІ і кляпаюць сраныя журналісцкія расследаванні! Шмат Навальны нараследаваў? Ёсць вынікі?
  • Acab
    18.05.2024
    О, "былы" (не бывае) міліцыянт анансуе важдныя зьмены, але я чытаць і ведаць пра ментаўскі рух ўстрымаюся

Вы не паверыце, кім аказаўся «выпадковы» баяніст на вакзале, які спяваў пра Лукашэнку19

Вы не паверыце, кім аказаўся «выпадковы» баяніст на вакзале, які спяваў пра Лукашэнку

Усе навіны →
Усе навіны

Барбадас і Панама забяруць свае сцягі ў больш чым 100 танкераў ценявога флоту Пуціна3

Сын Канапацкай кіруе свінакомплексам, а дачка вучыцца ў Аўстрыі16

У Мінску адкрылі абноўлены інтэрнат Акадэміі кіравання ФОТЫ9

Малако значна павялічвае рызыку раку прастаты. А кефір і некаторыя іншыя малочныя прадукты — не19

За «анлайн-пікетаванне» будуць судзіць завуча Ляхавіцкай гімназіі, якую здала Бондарава3

На датэрміновым галасаванні зноў дадалі 10% за дзень10

Трамп хоча зменшыць сусветныя цэны на нафту, каб скончыць вайну ва Украіне10

Белкаапсаюз хоча завабліваць кліентаў размяшчэннем у сябе пунктаў выдачы Wildberries ці Ozon2

З еўрапейцаў смяяліся, а сонечная энергія сапраўды замяніла расійскі газ — пазітыўная статыстыка9

больш чытаных навін
больш лайканых навін

Вы не паверыце, кім аказаўся «выпадковы» баяніст на вакзале, які спяваў пра Лукашэнку19

Вы не паверыце, кім аказаўся «выпадковы» баяніст на вакзале, які спяваў пра Лукашэнку

Галоўнае
Усе навіны →