Свет

Наўседа ў Сувалкскім калідоры прапанаваў Дудзе сумесныя закупкі HIMARS

Прэзідэнты Літвы і Польшчы Гітанас Наўседа і Анджэй Дуда сёння наведалі вучэнні «Адважны Грыфон», якія праходзяць у Сувалкскім калідоры.

Гітанас Наўседа і Анджэй Дуда на вучэннях. Фота: Przemystaw Keler / KPRP

Яны адзначылі гатоўнасць прыйсці адзін аднаму на дапамогу ў выпадку ваеннай пагрозы, выказаліся за далейшае ўмацаванне ўсходняга флангу НАТА і абмеркавалі супрацоўніцтва ў кібербяспецы і закупцы ўзбраенняў, піша Reform.news.

«Гэта вельмі важныя вучэнні. Хачу падкрэсліць, што яны з'яўляюцца доказам таго, што польскія жаўнеры гатовыя, каб прыйсці ў выпадку неабходнасці на дапамогу свайму літоўскаму саюзніку і суседу», — сказаў Анджэй Дуда.

Паводле яго слоў, раён Сувалкскага калідора знаходзіцца пад пагрозай. Ён таксама дадаў, што міграцыйны ціск на межах Літвы і Польшчы з Беларуссю з'яўляецца «праверкай нашай здольнасці рэагаваць» і абараназдольнасці.

«Сённяшнія вучэнні паказваюць, што вайсковая гатоўнасць нашых войскаў да абароны гэтай тэрыторыі Еўропы і краін НАТА мае вялікае значэнне, калі гаворка ідзе таксама пра элементы стрымлівання», — сказаў ён.

Гітанас Наўседа таксама адзначыў, што вучэнні дэманструюць гатоўнасць саюзнікаў да абароны важнага ўчастка.

«Мы павінны захоўваць цвёрдую пазіцыю па ўзмацненні ўсходняга флангу НАТА, імкнуцца да поўнай рэалізацыі планаў абароны НАТА і ратацыйнай мадэлі СПА», — дадаў ён.

Паводле яго слоў, прэзідэнты не проста назіралі за манеўрамі, але і абмеркавалі пытанні ваеннага супрацоўніцтва ў сферы кібербяспекі і сумесных закупак.

«Мы канкрэтна казалі пра сістэмы HIMARS, бо і Літва, і Польшча маюць намер набыць гэтыя сістэмы. Ужо закупілі, але плануюць набыць яшчэ. Асабліва ўлічваючы, што ў Польшчы ёсць планы па вытворчасці боепрыпасаў, мы хацелі б супрацоўнічаць. І мая прапанова была менавіта ў гэтым кірунку — стварэнне рэгіянальнага лагістычнага цэнтра. Без сумневу, калі б былі сумесныя закупкі ракет, мы маглі б удзельнічаць у сумесных закупках. Гэта было б вельмі канкрэтным прыкладам таго, як нашы гнуткія сувязі ваеннага супрацоўніцтва могуць быць перанесены на новыя тэрыторыі», — сказаў Наўседа.

Сувалкскі калідор — участак тэрыторыі Літвы і Польшчы паміж межамі Беларусі і Калінінградскай вобласці РФ. З'яўляецца адзіным сухапутным шляхам паміж краінамі Балтыі і іншымі дзяржавамі ЕС і НАТА. Нядаўна Аляксандр Лукашэнка, наведваючы пазіцыі беларускіх войскаў у Ашмянскім раёне ў рамках праверкі боегатоўнасці дэманстратыўна цікавіўся шырынёй калідора.

Каментары

Іспанія чацверты раз у гісторыі выйграла Еўра — і гэта рэкорд ВІДЭА1

Іспанія чацверты раз у гісторыі выйграла Еўра — і гэта рэкорд ВІДЭА

Усе навіны →
Усе навіны

«Генерал-шпіц Умка пад кодавым іменем Беленькі». Найлепшыя твіты тыдня9

У Мінску на дзяўчыну, якая вярталася з пляжу, упала дрэва. Яна загінула3

Чэшка Барбара Крэйчыкава перамагла на Уімблдоне-2024

Лукашэнка заявіў пра «ліквідацыю напружанасці на мяжы з Украінай» і выступіў з прымірэнчымі заявамі: «Трэба дамаўляцца»28

Ураган змёў кемпінг на Віліі, паведамляюць пра загінулага3

У Мінску шторм вырываў дрэвы і руйнаваў рэкламныя шчыты ФОТЫ і ВІДЭА15

Па Беларусі коціцца непагадзь, моцныя вятры і залевы ФОТЫ і ВІДЭА2

У мінчука скралі рэчы, пакуль ён купаўся ў Цнянскім вадасховішчы

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам16

больш чытаных навін
больш лайканых навін

Іспанія чацверты раз у гісторыі выйграла Еўра — і гэта рэкорд ВІДЭА1

Іспанія чацверты раз у гісторыі выйграла Еўра — і гэта рэкорд ВІДЭА

Галоўнае
Усе навіны →