Каханне і сэкс44

«Маці хлопца доўга пісала мне ў сацсетках з пытаннем, што ж мне не спадабалася». Тры гісторыі пра спатканні і бацькоў

Часам бацькі не толькі арганізуюць спатканні, але і хочуць кантраляваць увесь працэс. Што пры гэтым адчуваюць ужо даволі дарослыя дзеці? Дзіўныя гісторыі запісала «Наша Ніва».

«Я не прыдумаў нічога лепшага, як незаўважна штурхнуць айчыма нагой і гучна сказаць: «Мужчына! Вы, здаецца, збіраецеся сыходзіць?»

Сцяпан сцвярджае, што ў 25 год у яго атрымалася выйсці з-пад мамінага кантролю, але толькі таму, што ён з’ехаў у Расію і быў вымушаны вучыцца жыць самастойна. Кажа, інакш не ведае, чым бы ўсё скончылася.

— Мой айчым на 10 гадоў маладзейшы за маю маму. Мне цяпер здаецца, што яна нас абодвух выхоўвала як сваіх сыноў — толькі айчыму дасталася роля старэйшага. Напрыклад, яго абавязкам было рассцілаць мне ложак — нават калі я ўжо вучыўся ва ўніверсітэце. Бо для маці я заставаўся маленькім хлопчыкам, якога трэба заўсёды кантраляваць. Часам мяне гэта раз’юшвала, але мне здавалася, што так прыкладна ва ўсіх сем’ях.

У школьныя часы маці не дазваляла мне сустракацца з дзяўчынкамі. Казала, што ўсе яны мараць зацягнуць мяне ў ложак, каб зацяжарыць і хуценька выскачыць замуж.

На першым курсе ўніверсітэта яна ўсё ж дазволіла мне паспрабаваць пачаць адносіны. Нават сама стала настойваць, што трэба каго-небудзь запрасіць на спатканне. Доўга глядзела на фоты маіх аднагрупніц у сацыяльных сетках.

Смешна згадваць, а тады мне хацелася ўжо як мага хутчэй схадзіць хоць куды-небудзь з дзяўчынай. І вось мама вырашыла, што спатканне павінна адбыцца ў вельмі модным месцы. Яна патэлефанавала туды, але высветлілася, што столік забраніраваць нельга. Мама пачала панікаваць, што калі я з дзяўчынай прыйду, а месцаў вольных не будзе, то гэта катастрофа. Але яна хутка прыдумала рашэнне. Сказала, што айчым пойдзе ў гэта кафэ за гадзіну да нас і зойме столік, а калі мы прыйдзем, то саступіць нам месца.

Ён сапраўды сядзеў ды сумна піў там каву, і, мусіць, пра нешта задумаўся, калі мы прыйшлі, і не заўважыў нас. І вось максімальна дзіўная сітуацыя: месцаў вольных няма, айчым ва ўпор мяне не бачыць, дзяўчына прапануе пайсці кудысьці яшчэ. Я не прыдумаў нічога лепшага, як незаўважна штурхнуць яго нагой і гучна сказаць:

«Мужчына! Вы, здаецца, збіраецеся сыходзіць?». Ён ускочыў і сказаў: «Так, канешне». І ўцёк. Пасля яшчэ стаяў і з вуліцы глядзеў на нас у вітрыну. Я думаў, што згару ад сораму. А дзяўчына вырашыла, што гэта нейкі гарадскі вар'ят. Пасля гэтага я зразумеў, што з сям'ёй яе сапраўды ніколі не змагу пазнаёміць.

«Пасля спаткання маці хлопца доўга пісала мне ў сацсетках з пытаннем, што ж мне не спадабалася»

Алеся згадвае сваё самае незвычайнае спатканне ці то як камедыю, ці то як фільм жахаў.

— Я вучылася ў Мінску, але на канікулы паехала дадому. І вось літаральна праз некалькі дзён мне піша аднагрупнік, на якога я нават не звяртала ўвагі. Кажа, што вельмі сумуе і хоча мяне пабачыць.

Я, шчыра кажучы, была ў шоку — мы не вельмі камунікавалі ва ўніверсітэце. З чаго раптам такая ўвага?

Ён хацеў прыехаць у мой горад і папіць разам кавы. Мне ўсё гэта здавалася вельмі дзіўным, але сяброўка пераканала паспрабаваць. Казала: «Чаму не, у цябе ж усё роўна няма хлопца цяпер. Папі каву, гэта цябе ні да чаго не абавязвае. Тым больш, што ён сам гатовы прыехаць».

І вось сядзім мы ў кафэ, п'ём каву, і я ў нейкі момант заўважаю, што на нас вельмі ўважліва глядзіць жанчына за суседнім столікам. Мяне гэта вельмі збянтэжыла. Я нават пачала думаць, што са мной нешта не так: можа, я выпэцкалася і не заўважыла? Інакш навошта мяне разглядаць?

Я не вытрымала і сказала хлопцу, што за намі назіраюць і мне гэта вельмі непрыемна. Ён спачатку пачырванеў, а потым прызнаўся, што гэта яго маці. Яна не дазволіла яму ехаць аднаму — баялася, што нешта здарыцца. І плюс хацела паглядзець на мяне.

Натуральна, пасля гэтага спаткання я напісала хлопцу, што ў нас нічога не атрымаецца. А ягоная маці потым пісала мне ў сацсетках з пытаннем, што ж мне не спадабалася. Я яе заблакавала.

«Я напісала хлопцу з Турцыі, што прылячу разам з татам»

Інга дзеліцца сваёй гісторыяй:

— У інтэрнэце я пазнаёмілася з хлопцам з Турцыі. Ён вельмі запрашаў мяне ў госці. Але ж бацькі хваляваліся і не хацелі мяне адпускаць адну ў іншую краіну. У выніку вырашылі, што са мной паляціць бацька.

Хлопец пагадзіўся на такі варыянт. Тыдзень у Стамбуле выглядаў вельмі дзіўна. Мы ўсюды гулялі ўтраіх: я, хлопец і тата. Здаецца, толькі тата адчуваў сябе камфортна і размаўляў увесь час.

У выніку мы вярнуліся дадому, я напісала хлопцу, што мы даляцелі — і на гэтым нашы адносіны неяк і скончыліся. Ён мне не пісаў, ды і ў мяне жадання не было.

А тата быў вельмі задаволены, што атрымаў незапланаваны адпачынак. Кажа, што даўно марыў паглядзець Стамбул.

Каментары4

  • Пурупупупу
    13.03.2024
    Напэўна, цяжка быць маці хлопчыка і захаваць адэкватнасць((
  • Шчыра
    13.03.2024
    Шчыра рада за тату з апошняй гісторыі))
  • Сонейка
    14.03.2024
    Са мной у школе хацеў хадзіць на спатканні хлопец, якому ў 10 класе бабуля партфель збірала, а ён потым нават не ведаў, якія сшыткі там ёсць))

Польшча і Беларусь вядуць перамовы аб вызваленні Пачобута. Як не будзе выніку — закрыюць межы — Radio ZET6

Польшча і Беларусь вядуць перамовы аб вызваленні Пачобута. Як не будзе выніку — закрыюць межы — Radio ZET

Усе навіны →
Усе навіны

Дыяспарам пішуць боты і прапануюць уступіць у Полк Каліноўскага. Расказваем, што адбываецца і як абараніцца12

Музыка Ігар Банцар ужо каля года бамжуе ў Варшаве ФОТЫ30

У Петрыкаўскім раёне мужчына некалькі гадоў гуляў з судовымі выканаўцамі ў даганялкі. Але ўрэшце прайграў1

«Дзякуй вам за сына Мікалая». Боты атрымалі новую метадычку адносна Абельскай22

Стала вядома, хто абараняў Рыка Крыгера2

Як Байдэн прымаў рашэнне адмовіцца ад удзелу ў выбарах прэзідэнта ЗША. Хроніка выходных1

Расійскі след у шалёна папулярнай гульні Hamster Kombat усё больш відавочны1

На якіх умовах беларусы могуць атрымаць грамадзянства Іспаніі, Партугаліі, Германіі і іншых краін13

У Расіі дзве дзяўчыны загінулі падчас квэсту — аніматар абліў іх газай, выпадкова падпаліў і ўцёк6

больш чытаных навін
больш лайканых навін

Польшча і Беларусь вядуць перамовы аб вызваленні Пачобута. Як не будзе выніку — закрыюць межы — Radio ZET6

Польшча і Беларусь вядуць перамовы аб вызваленні Пачобута. Як не будзе выніку — закрыюць межы — Radio ZET

Галоўнае
Усе навіны →