Нерухомасць2121

«Адпрацуйце 40 гадоў кіраўніком, і ў вас атрымаецца». Экс-сенатарка расказала, як можна зарабіць на дом за $1,5 мільёна

У мікрараёне Лебядзіны ў Мінску ёсць невялікі завулак Княгінінскі, забудаваны прыватнымі дамамі. У самым яго пачатку знаходзіцца дом № 3, які цяпер выстаўлены на продаж. Кошт нерухомасці ўражвае — больш за 1,5 млн даляраў. З дапамогай «Кіберпартызан» і Belpol «Люстэрка» даведалася, што валодае маёмасцю 63-гадовая Наталля Блахіна, дырэктарка Слуцкага ўнівермага і былая прызначэнка ў Савет Рэспублікі.

Дом №3 на завулку Княгінінскім у Мінску. Фота: агенцтва нерухомасці «Дыянэст»

Чатырохузроўневы цагляны катэдж з чарапічным дахам займае агульную плошчу больш за 600 «квадратаў», ён стаіць на ўчастку больш за восем сотак (зямля знаходзіцца ў прыватнай уласнасці).

Дом «для VIP» быў пабудаваны ў 2015 годзе. Усе камунікацыі ў ім цэнтралізаваныя. У доме ёсць сем жылых пакояў, чатыры санвузлы, кухня, тэраса, веранда, дзве гардэробныя, балкон, гульнявы пакой, більярдная, трэнажорная зала, дапаможнае памяшканне, дзве кладоўкі, кацельня, сауна, гараж.

Дом №3 на завулку Княгінінскім у Мінску. Фота: агенцтва нерухомасці «Дыянэст»

Сцены ўнутры дома пафарбаваныя, а таксама абклееныя італьянскімі шпалерамі. Вышыня столяў — ад 3 да 3,5 метра ў залежнасці ад паверха, на іх дэкаратыўная ляпніна. У месцах, дзе выкладзены керамаграніт, абсталяваная цёплая падлога. Ва ўсіх жылых пакоях выкладзены паркет з масіву дуба Coswick. Міжпакаёвыя дзверы зробленыя з суцэльнага масіва дрэва. Усе асвятляльныя прыборы ў доме выкананыя па індывідуальнай замове.

Дом №3 на завулку Княгінінскім у Мінску. Фота: агенцтва нерухомасці «Дыянэст»

Уваход у дом размешчаны на першым паверсе, адразу адсюль трапляеш у пярэдні пакой, дзе абсталяваны пяціметровы гардэробны пакой. На верхнія і ніжні паверхі вядзе лесвіца з натуральнага мармуру, з каванымі парэнчамі.

Дом №3 на завулку Княгінінскім у Мінску. Фота: агенцтва нерухомасці «Дыянэст»

Вялікая гасцёўня аб'яднаная з кухняй, дзе ёсць італьянскі кухонны гарнітур са стальніцай і мыйкай з натуральнага каменю. Тут таксама ёсць убудаваная тэхніка: посудамыйная машына Bosch, індукцыйная варачная паверхня Weissgauff, духавая шафа, мікрахвалёўка і выцяжка фірмы Teka, халадзільнік Liebherr. У гасцёўні ёсць і камін з эксклюзіўнага мармуру.

Дом №3 на завулку Княгінінскім у Мінску. Фота: агенцтва нерухомасці «Дыянэст»

З кухні ідзе выхад на абаграваную зашклёную веранду з зімовым садам з натуральным асвятленнем. З гасцёўні ёсць выхад на тэрасу. Гасцёўня і кухня — з панарамным шкленнем. У працоўным кабінеце ўся мэбля вырабленая з масіву дрэва. Канапа — з натуральнай скуры.

Дом №3 на завулку Княгінінскім у Мінску. Фота: агенцтва нерухомасці «Дыянэст»

Таксама на першым паверсе ёсць санвузел, праз які можна трапіць у дапаможнае памяшканне (у ім устаноўленыя дзве пральныя машыны Bosch, а таксама ёсць кладоўка з трыма халадзільнікамі і шафай).

Дом №3 на завулку Княгінінскім у Мінску. Фота: агенцтва нерухомасці «Дыянэст»

На другім паверсе знаходзяцца чатыры жылыя пакоі: гаспадарская спальня з балконам і тры дзіцячыя спальныя пакоі. Таксама ёсць некалькі санвузлоў і гардэробны пакой.

Дом №3 на завулку Княгінінскім у Мінску. Фота: агенцтва нерухомасці «Дыянэст»

У гаспадарскай спальні — італьянская мэбля, а таксама шторы і шпалеры. У ванным пакоі — элітная сантэхніка, італьянская плітка Versace.

Дом №3 на завулку Княгінінскім у Мінску. Фота: агенцтва нерухомасці «Дыянэст»

У мансардзе арганізаваны гульнявы пакой, а вось унізе — месца для правядзення вольнага часу дарослымі: абсталяваная трэнажорная зала, пакой адпачынку з більярдным і тэнісным сталамі, спа-зона з электрычнай саунай і джакузі.

Дом №3 на завулку Княгінінскім у Мінску. Фота: агенцтва нерухомасці «Дыянэст»
Дом №3 на завулку Княгінінскім у Мінску. Фота: агенцтва нерухомасці «Дыянэст»

На нулявым паверсе таксама знаходзіцца кацельня з газавым катлом Vaillant (Германія), бойлер на 300 літраў вады, размеркавальны электрашчыт і індывідуальныя прыборы ўліку.

Дом №3 на завулку Княгінінскім у Мінску. Фота: агенцтва нерухомасці «Дыянэст»
Дом №3 на завулку Княгінінскім у Мінску. Фота: агенцтва нерухомасці «Дыянэст»

Адпачыць можна і на закрытым ад старонніх вачэй участку каля дома, які абсталяваны відэакамерамі і сігналізацыяй. Тут ёсць добры газон, высаджаныя туі, пабудаваная альтанка і зона для барбекю.

Дом прадаюць за 5 023 395 рублёў, ці 1 550 000 даляраў.

Што вядома пра ўласніцу жылля і яе мужа

Дзякуючы «Кіберпартызанам» і Belpol, «Люстэрку» атрымалася высветліць, што валодае дарагой нерухомасцю 63-гадовая Наталля Блахіна са Слуцка. Дом быў аформлены на яе імя праз дамову куплі-продажу ў лютым 2013 года.

Сама жанчына зарэгістраваная ў Слуцку, там яна таксама мае дом. Яна даўно працуе ў Слуцку дырэктарам дзяржаўнага ўнівермага. Падатковых даўгоў за ім не лічыцца, але крама літаральна не вылазіць з эканамічных судоў як даўжнік па сотнях спраў перад кампаніямі-вытворцамі.

Аказалася, што Наталля Блахіна даволі актыўная ў палітыцы: яна член Беларускага саюза жанчын, а таксама двойчы прызначалася ў Савет Рэспублікі (у апошні раз яна была ў гэтай структуры ў 2004-2008 гадах).

Як паведамляецца, Наталля Блахіна раней атрымлівала ўзнагароду ад Саўміна, таксама яна мае знакі «Выдатнік гандлю» і званне «Чалавек года Міншчыны».

Муж Наталлі — Барыс Блахін, быў дэпутатам Мінскага абласнога савета дэпутатаў. Цяпер ён працуе дырэктарам Слуцкага дзяржаўнага каледжа.

Карэспандэнт «Люстэрка» як фізасоба патэлефанаваў абодвум сужонцам Блахіным і запытаўся ў іх, якім чынам можна зарабіць грошы на такую нерухомасць.

Спачатку Наталля Блахіна здзівілася пытанню пра катэдж у Лебядзіным і паведаміла, што «ніхто ніякі дом не прадае». Праўда, калі ёй паведамілі, што пра валоданне гэтай нерухомасцю менавіта ёй ужо вядома, рыторыка жанчыны змянілася.

«Ну і што, хто яго прадае, калі я яго не прадаю? Не, ніхто яго не прадае. Хто яго мог выставіць [прадаваць]? Я яго не прадаю», — адказала яна.

На пытанне, дзе можна зарабіць грошай на такі дом, жанчына паведаміла наступнае:

«Вы адпрацуйце 40 гадоў кіраўніком на зямлі, хай адпрацуюць вашы бацькі таксама па 40 гадоў. А наогул агульны стаж у маіх бацькоў і майго мужа — 160 гадоў. Папрацуйце, і я думаю, у вас усё атрымаецца».

Падобнае пытанне задалі і мужу Наталлі, Барысу Блахіну:

— Трэба ісці ў дэпутаты, каб зарабіць грошай і купіць добрае жыллё, як дом за 1,5 млн даляраў у Лебядзіным, які вы цяпер прадаеце? У адукацыі, напэўна, не заробіш жа?

— Адна справа прадаць, а іншая справа — пабудаваць, — адказаў мужчына, пасля чаго спаслаўся на занятасць і папрасіў ператэлефанаваць пазней.

Каментары21

  • Дамокл Майсеевіч
    27.02.2024
    Карацей, у лукашыстаў усё добра. А вы, бе(г)лыя коцікі, зайзросціце моўчкі :)
  • Заатэхнік
    27.02.2024
    Борзая прыкарытніца.
  • Аааа
    27.02.2024
    Што яна гародзіць? Пры карыце трэба лыч трымаць, как быў такі дом у Беларусі

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Усе навіны →
Усе навіны

Кантрактнік у Белгарадскай вобласці Расіі застрэліў трох таварышаў і ўцёк са зброяй

У Калінкавічах у 40 гадоў памёр прапаршчык патрульна-паставой службы 

Эдуарду Бабарыку дадалі паўтара года зняволення2

Байдэн назваў віцэ-прэзідэнта Харыс Трампам. Той рэзка адрэагаваў1

Мілінкевіч расказаў, што беларусы могуць даць Еўропе9

Разграмілі кватэру былога вядучага АНТ Івана Падрэза11

Сямейную пару расіян затрымалі ў Аўстраліі па падазрэнні ў шпіянажы

Шматдзетнай маці далі 6 гадоў калоніі па 6 артыкулах. Сын-падлетак з інваліднасцю чакае яе на волі8

Памёр беларускі саксафаніст Віталь Ямуцееў

больш чытаных навін
больш лайканых навін

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Галоўнае
Усе навіны →