Свет11

Рускі добраахвотніцкі корпус планаваў вызваліць Навальнага сілавым шляхам — вось як

Афіцыйны тэлеграм-канал Рускага добраахвотніцкага корпуса (РДК) раскрыў падрабязнасці, як планаваў вызваліць расійскага апазіцыянера Аляксея Навальнага, калі той быў яшчэ ў папраўчай установе №6 ва Уладзімірскай вобласці Расіі. Распрацоўцы плана, як сцвярджаюць, дапамагалі некаторыя сілавікі і асуджаныя з самой калоніі.

Аляксей Навальны ў кабінеце начальніка калоніі №6, дзе таксама прысутнічаюць іншыя супрацоўнікі адміністрацыі ўстановы. Фота: кадр з камеры відэаназірання, які быў атрыманы РДК з боку крыніц у Федэральнай службе выканання пакарання (ФСВП)

РДК змог атрымаць доступ да камер відэаназірання, унутранай дакументацыі і схемы калоніі №6 ва Уладзімірскай вобласці Расіі, дзе пэўны час адбываў пакаранне расійскі апазіцыянер Аляксей Навальны.

Распрацоўцы аперацыі па вызваленні палітыка, па сцвярджэннях РДК, садзейнічалі некаторыя супрацоўнікі Федэральнай службы выканання пакарання (ФСВП) і некаторыя асуджаныя з самой калоніі, з якімі РДК удалося звязацца, дзякуючы злівам з ФСВП.

Канчатковым пунктам плана была адпраўка Навальнага ва Украіну для атрымання ім прытулку.

«Паводле плану, наша група павінна была адбіць Аляксея Навальнага ў канвоя падчас яго этапавання з ПК-6 да ПК-3 (Ямала-Ненецкая акруга), а далей разам з ім неадкладна адправіцца на мяжу з Украінай і сустрэцца там з другой разведгрупай РДК. Навальны павінен быў атрымаць прытулак ва Украіне.

На жаль, меры бяспекі, прынятыя ФСВП і ФСБ для прадухілення падобных сцэнарыяў, спрацавалі. Дата і час этапавання Навальнага некалькі разоў пераносіліся, а ў выніку этап пачаўся раптоўна па прамым вусным загадзе кіраўніцтва ФСВП. Наша група не паспела апынуцца ў раёне планаванага пачатку аперацыі», — заявілі ў афіцыйным тэлеграм-канале РДК.

Там дадалі, што пасля гэтага план перапрацоўваўся пад умовы ПК-3, куды адправілі Навальнага, але палітык раптоўна памёр.

«На жаль, мы не паспелі выратаваць Аляксея, але сотні палітвязняў яшчэ застаюцца ў няволі. Мы верым і працуем над тым, каб вырваць іх з лап рэжыму так ці інакш», — запэўнілі прадстаўнікі РДК.

Аляксей Навальны на швейным участку прамзоны калоніі №6. Фота: РДК
Схема калоніі №6, дзе пэўны час знаходзіўся Навальны. Фота: РДК
Колькасць асабовага складу сілавікоў і грамадзянскага персанала ў калоніі №6 ва Уладзімірскай вобласці Расіі. Фота: РДК
Уваходныя лісты і запыты з боку адвакатаў Навальнага на імя адміністрацыі калоніі №6. Фота: РДК

Каментары1

  • во
    20.02.2024
    А ён пайшоў бы? Які сэнс тады быў вяртацца з Нямеччыны?

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог9

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог

Усе навіны →
Усе навіны

На ўсходзе Мінска пабудуюць новы вялікі раён на 100 тысяч чалавек3

LinkedIn прапануе карыстальнікам знайсці працу мары праз штучны інтэлект1

У расійскай гандлёвай сеткі «Святлафор» праблемы. Ці закрануць яны беларускія крамы?3

На крыжы Іосіфу Навумчыку ў Віцебску дапусцілі прыкрую памылку

Краіны Балтыі ў суботу адключаюцца ад энергасістэмаў Расіі і Беларусі. Што трэба ведаць?4

Беларускія памежнікі знайшлі цела мігранта каля агароджы з Латвіяй2

Праект «Беларускі гаюн» спыняе працу27

Продажы Tesla на еўрапейскіх рынках сур’ёзна ўпалі — магчыма, з-за рэпутацыі Маска8

Пасол Украіны па асаблівых даручэннях Ігар Кізім пакінуў сваю пасаду6

больш чытаных навін
больш лайканых навін

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог9

Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог

Галоўнае
Усе навіны →

Заўвага:

 

 

 

 

Закрыць Паведаміць