Грамадства

Асуджаны на 20 гадоў Уладзімір Гундар: У турме дактары больш уважлівыя

Фігурант справы аб тэрарызме, краязнавец з Баранавічаў Уладзімір Гундар расказаў пра першыя ўражанні ад магілёўскай турмы, дзе яму давядзецца далей адбываць сваё пакаранне.

Уладзімір Гундар. Фота: сацсеткі

«Мяркуе, што там яму будзе крыху лягчэй. Пакуль ён у двухмеснай камеры адзін. Прысудзілі тры гады турмы і агульны рэжым. Разлічвае на штодзённыя прагулкі. Шмат думае пра Беларусь і чытае. За першы час у турме прачытаў ужо чатыры кнігі. Працягвае пісаць вершы», — паведаміла «Свабодзе» дасведчаная крыніца.

На стан здароўя, паводле суразмоўцы, Уладзімір Гундар асабліва не наракае.

«Казаў, што адчувае сябе няблага. Пра турэмных дактароў сказаў, што больш уважлівыя, таблеткі ад ціску даюць рэгулярна. І нават папрасілі рэцэпты тых лекаў, што два гады таму выпісваў хірург ад яго асноўнага захворвання. Не выключае, што правядуць курс лячэння, які павінен праводзіцца кожны год».

Ліст палітвязня пра этап не прапусціла цэнзура. У пачатку кастрычніка стала вядома, што Уладзіміра Гундара, асуджанага на 20 гадоў калоніі праз абвінавачанне ў тэрарызме і нападзе на міліцыянта, у бабруйскай калоніі зноў судзілі і па выніках суда перавялі на турэмны рэжым у магілёўскую крытую турму №4. Пры гэтым тэрмін змяшчэння ў турму для сваякоў спачатку заставаўся невядомым. Адразу з карцара бабруйскай калоніі палітвязня этапавалі ў магілёўскую крытую вязніцу.

Дарога з Бабруйска ў Магілёў, паміж якімі не болей за 150 кіламетраў, расцягнулася для Гундара амаль на 5 дзён. Пра ўмовы этапавання палітвязня крыніцы нічога не вядома.

«Дакладна вядомы толькі прыблізны час этапу і тое, што яго везлі праз Гомель. Як ён спраўляўся на сваіх мыліцах забірацца ў вагон і з яго высаджвацца, уявіць цяжка. Ён паспрабаваў апісаць свой шлях у вялікім лісце, але гэты ліст не адправілі і яму афіцыйна пра гэта паведамілі. Магчыма, падрабязнасці даведаемся ўжо па ягоным вызваленні. Усе на гэта вельмі спадзяюцца», — расказала крыніца, звязаная са знаёмымі і сваякамі Уладзіміра Гундара.

Увесну 2023 года, калі Уладзіміра Гундара яшчэ трымалі ў гродзенскім СІЗА, ён расказаў сваякам, што падчас знаходжання ў карцары аглух на адно вуха, а пазней слых часткова аднавіўся. Што цяпер са слыхам у палітвязня, невядома.

Каментары

Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі1

Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі

Усе навіны →
Усе навіны

Машыну намесніка начальніка вайсковай часці ўзарвалі ў Маскве. Вайскоўцу адарвала ступні2

У Трампа быў эфектыўны козыр супраць Байдэна. Цяпер ён можа вярнуцца бумерангам 3

«Сімпсаны» яшчэ ў 2000 годзе прадказалі, што Камала Харыс стане прэзідэнтам?2

«Радуйцеся, с*кі!» Чым скончыўся скандал паміж гінекалагіняй-блогеркай і пацыенткай прыватнага медцэнтра?17

99-гадовы беларус вырашыў атрымаць пасведчанне аб нараджэнні

Рыжанкоў прыляцеў у КНДР1

КНДР зноў запусціла шары са смеццем на поўдзень. Адзін з іх упаў ля рэзідэнцыі прэзідэнта Паўднёвай Карэі

Што адбываецца ў Палку Каліноўскага і чаму байцы кажуць пра яго магчымае знікненне?33

Харыс апярэджвае Трампа: 44% супраць 42% — першае апытанне пасля зняцця Байдэна27

больш чытаных навін
больш лайканых навін

Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі1

Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі

Галоўнае
Усе навіны →