У Полацкім універсітэце звольнілі за палітыку трох выкладчыкаў, шасцёра звольніліся самі
У Полацкім дзяржаўным універсітэце 14 чэрвеня «па пагадненні бакоў» звольненыя раней арыштаваныя па адміністрацыйных справах дацэнт кафедры гісторыі і турызму Віктар Чараўка і дацэнт кафедры канстытуцыйнага права і дзяржкіравання Сяргей Глазырын, пра гэта паведамляе «Люстэрка» на падставе інфармацыі агенцтва BPN.
Чараўко і Глазырына затрымалі 23 мая ў Полацку і арыштавалі адпаведна на 13 і 15 сутак за «распаўсюд экстрэмісцкай інфармацыі» (арт. 19.11 КаАП). Па гэтай жа прычыне з ПДУ звольнілі кандыдата гістарычных навук, дацэнта кафедры гісторыі і турызму, намесніка дэкана інжынерна-будаўнічага факультэта Юрыя Кежа.
Па словах крыніцы BPN, Кежа «данаціў у «экстрэмісцкія» фонды». Калі пра гэта стала вядома сілавікам, навуковец «кампенсаваў шкоду» і застаўся на волі.
Паводле інфармацыі крыніцы BPN, 13 чэрвеня шэсць загадчыкаў кафедраў ПДУ напісалі заявы аб звальненні праз «нежаданне быць датычнымі да палітычнага пераследу калегаў».
23 мая ў ПДУ прайшла хваля затрыманняў, пад якую трапілі каля паўтара дзясятка супрацоўнікаў. Большасці тых, чые вынікі суда вядомыя, прысудзілі арышту, мінімум адзін чалавек аштрафаваны.
Акрамя таго, 29 і 30 сакавіка прайшлі затрыманні супрацоўнікаў Полацкага гісторыка-культурнага запаведніка, частка з іх была арыштаваная, некаторыя — некалькі разоў запар.
Латушка: Рыжанкоў марыць стаць прэзідэнтам Беларусі і ненавідзіць Лукашэнку. Ён не пройдзе дэтэктар хлусні6
Каментары
У любым разе, сапраўдным выкладчыкам, што засталіся людзьмі - рэспект і гонар!