Сацсетка Twitter стала ўразлівай для расійскіх троляў пасля рэформаў Ілана Маска
Сотні акаўнтаў расійскай і кітайскай прапаганды свабодна дзейнічаюць у Twitter пасля таго, як рэформы Ілана Маска пакінулі сацсетку фактычна безабароннай, паведамляе Бі-бі-сі.
Праца каманды Twitter у барацьбе з інфармацыйнымі аперацыямі была паралізаваная. Гэтая каманда выяўляла інфармацыйныя кампаніі і маніпуляцыі фабрык троляў у Расіі, Кітаі, Іране і іншых краінах.
Пасля набыцця кампаніі Twitter Іланам Маскам большасць яе супрацоўнікаў была скарочаная, што зрабіла платформу ўразлівай, паводле экспертаў і звольненых спецыялістаў.
Эксперты Бі-бі-сі папрасілі аб ананімнасці, спаслаўшыся на пагадненні аб прыватнасці і пагрозы ў сацсетках ад адэптаў тэорый змовы.
«Чалавечы пласт быў цалкам знішчаны. Усё, што засталося ў Twitter — гэта аўтаматызаваныя сістэмы», — распавёў Бі-бі-сі былы старшы супрацоўнік кампаніі.
У вялікім інтэрв'ю Бі-бі-сі на гэтым тыдні Маск заявіў, што цяпер у твітары менш дэзінфармацыі. Але ён нічога не сказаў пра троляў і пра сыход спецыялістаў, якія змагаліся з імі.
«Дамоклаў Меч». Канал «Белорусскій сіловік» настолькі прарасійскі, што многія меркавалі, што гэта расіяне яго вядуць. Не, за ім стаіць суперагент Лукашэнкі5
Каментары