Усяго патроху

Комік Нарышкін запускае беларускамоўны падкаст

Вы маглі ведаць коміка Дзмітрыя Нарышкіна па яго працы на ТНТ і ў Comedy Club, а таксама па валанцёрстве ў ByCovid19. Ужо год стваральнік мінскага Stand Up Comedy Hall жыве ў Польшчы, дзе працягвае выступы. Але новы яго праект мае зусім іншы фармат.

Псіхолаг Ірына Шумская і комік Дзмітрый Нарышкін. Скрын з відэападкаста

Нарышкін запускае беларускамоўны падкаст пад назвай Taki Šliach. Сёння ён прадставіў прэм’ерны выпуск праекта, дзе працуе разам з сувядучай — Ірынай Шумскай, крызісным псіхолагам і тэрапеўткай танцу і руху.

Шлях да першага падкаста ў коміка быў доўгі — Дзмітрый расказвае, што ўпершыню задумаўся пра такі праект некалькі гадоў таму: «Хацелася рабіць свой падкаст яшчэ гадоў пяць таму, аднак увесь час прыдумляў сабе шмат «але». Гэта значыць, быў страх, няўпэўненасць і шмат адгаворак перад сабой. Цяпер я працую шмат на сябе як коміка і асобу і прыйшоў да высновы — цяпер той самы час. Наперад».

Тэму праекта Дзмітрый фармулюе так: «Хацелася б лёгка казаць пра тое, што баліць людзям за 30.

Не думаю, што пакуль атрымалася гэта ярка зрабіць. Упэўнены, што фармат будзе выбудоўвацца і ўлягацца яшчэ некалькі выпускаў». Выглядае, што тут Нарышкін адступіў ад любімага стэндапу, але ён запэўнівае — у аснове стэндапу якраз і ляжаць такія з’явы, як рэфлексія, псіхалогія і магчымасць разглядзець праблему з розных вуглоў, а таксама сталы пошук адказаў там, «дзе іх зусім няма».

Што да псіхолага, то Дзмітрый спадзяецца, што Ірына будзе яго пастаяннай сувядучай, але не выключае і магчымасць спецвыпускаў з гасцямі ў студыі. Пра калегу па падкасце Нарышкін адгукаецца з захапленнем: «Іра профі сваёй справы, яе прыемна і цікава слухаць, і я ў яе вучуся прыгожай беларускай мове».

Пакуль што падкаст можна праслухаць толькі на ютуб-канале Дзмітрыя, але ў будучыні ў праекта маюць з’явіцца і ўласныя аўдыяпляцоўкі. Выпускі плануюцца раз на два тыдні.

«Наша Нiва» — бастыён беларушчыны

ПАДТРЫМАЦЬ

Найлепшыя беларускія стэндаперы — хто яны?

Гэты беларускі комік выступаў за Украіну, а цяпер ладзіць стэндап на роднай мове

«Стэндап — гэта новы рэп». Адзін з самых дасведчаных беларускіх комікаў Нарышкін — пра валанцёрства пад Акрэсціна, жарты пра Лукашэнку і зайздрасць да Усовіча

Каментары

Немец, прысуджаны да расстрэлу, датычны да дыверсій? Вось што за гісторыя гэта магла быць5

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай16

Полк Каліноўскага афіцыйна пацвердзіў замену свайго камандзіра і заявіў пра рэфармаванне17

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных17

«Па выхадных нават чэргі». У Мінску адкрылася «касмічная» зона адпачынку з бясплатным вяровачным гарадком

У Львове стралялі ў палітыка Ірыну Фарыён. Яна ў крытычным стане18

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць5

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →