Сёння вечарам праз Літву пройдуць апошнія цягнікі з грузам «Беларуськалія»
У ноч з панядзелка на аўторак павінен спыніцца транзіт прадукцыі «Беларуськалія» праз Літву — ад беларускай мяжы да Клайпедскага порта.
Гэта азначае спыненне транзіту угнаенняў, аб'ём якога няўхільна рос больш дзесяць гадоў. У апошнія гады ён складаў каля 11 млн тон і прыносіў дзясяткі мільёнаў еўра даходу «Літоўскай чыгунцы, тэрміналу насыпных грузаў (Biriu kroviniu terminalas), які часткова кантралюецца «Беларуськаліем», і Клайпедскім дзяржаўным марскім портам, паведамляе Delfi.lt.
Апошні састаў з калійнымі ўгнаеннямі, паводле дамовы, падпісанай ЛЧ і «Беларуськаліем» у 2018 годзе, павінен заехаць у Літву ў панядзелак каля 19-20 гадзінаў, каб дабрацца да Клайпедскага порта да поўначы, паведаміў BNS прадстаўнік ЛЧ Мантас Дубаўскас.
Звычайна праз Літву штодня праходзіць каля 6-7 саставаў, па 60 вагонаў у кожным, або каля 30 тыс. тон угнаенняў. Пасля таго, як ЛЧ у сярэдзіне студзеня паведаміла «Беларуськалію» аб скасаванні кантракту, з 1 лютага кампанія атрымала не менш пяці заявак на перавозку угнаенняў ад розных прэтэндэнтаў, але ні адна з іх не была ухваленая.
«На люты не зацверджаная ніводная заяўка», — сказаў Дубаўскас BNS у нядзелю ўвечары.
Міністр транспарту Літвы Марус Скуодзіс таксама кажа, што ў яго няма інфармацыі аб адпраўленых грузах угнаенняў пасля 1 лютага.
«На гэты момант мне нічога не вядома аб далейшым іх следаванні», — сказаў BNS Скуодзіс у нядзелю. Аднак некаторыя крыніцы BNS не выключаюць, што сітуацыя можа змяніцца, калі, напрыклад, суд прыпыніць дзеянне пастановы ўрада.
Чытайце таксама:
Лукашэнка даручыў прыняць меры супраць Літвы ў выпадку адмовы ад транзіту грузаў з Беларусі
Экс-міністр інфармацыі Луцкі стаў весці «Контуры» на канале АНТ — які сам і ўзначальвае2
Каментары