Чэмпіёнка свету і Еўропы па лёгкай атлетыцы Марына Арзамасава паведаміла ў інстаграме, што вымушаная прыпыніць выступы. Яна атрымала вынікі расследавання па прымяненні допінгу.
«Сябры, са шкадаваннем паведамляю. Я вымушаная спыніць сваю прафесійную дзейнасць на доўгі час. Антыдопінгавае разбіральніцтва скончылася, і на жаль, не на маю карысць. Athletic Integrity Unit апублікуе гэтую інфармацыю ў найбліжэйшы час.
Мы правялі вялікую працу па зборы доказаў, але, на думку экспертаў, мае довады былі не пераканаўчыя.
На жаль, не заўсёды ў складзе БАДаў пазначаны ўсе рэчывы, якія змяшчаюцца ў ім. Што не здымае маёй адказнасці, але прымушае задумацца. Аналізы прэпаратаў спартыўнага харчавання ў трох лабараторыях пацвердзілі наяўнасць забароненага рэчыва. Але на думку экспертаў і адваката таго боку, гэта не з'яўляецца доказам майго ненаўмыснага прыёму. Я абавязкова паспрабую апублікаваць спіс гэтых дабавак для таго, каб папярэдзіць іншых спартсменаў аб небяспецы і не даць ім патрапіць у маю сітуацыю (спачатку пракансультуюся з юрыстамі).
Усё расследаванне доўжылася год і чатыры месяцы і каштавала шмат тысяч еўра. Плюс усе мае нервы, слёзы і хваробы з гэтай нагоды. Я аказалася цалкам зламаная апошнія месяцы, калі прыйшло паведамленне аб тым, што мае доказы не маюць значэння. З-за гэтага ўнутранага злому я не змагла адстаяць сваю вартасць, паддалася ціску.
Усе падзеі апошніх месяцаў у маім жыцці — гэта чарада нейкіх імпульсіўных думак і дзеянняў. Я ўвесь час чагосьці баялася. А сёння я звальняюся з войска, але радуюся больш чым 20-ці гадам спорту, якія нічым не замяніць.
Я ўжо жыву з гэтым вердыктам 5 дзён: дастаткова, каб трымацца на людзях. Але больш мяне гэта не зломіць. Я прымаю такі варыянт развіцця падзей. Адкідаю сваю ўвагу са сваіх трэніровак на працу.
За гэтыя месяцы вялікая колькасць незадаволеных каментароў мяне загартавала, вядома. Але прашу вас, не судзіце зусім жорстка, мне цяпер і так вельмі не проста», — напісала Арзамасава.
Прычынай дыскваліфікацыі Марыны Арзамасавай стала наяўнасць рэчыва LGD-4033 у яе арганізме. Яно трапіла ў арганізм беларускі праз біяактыўную дабаўку, на ўпакоўцы якой не было паказана наяўнасць гэтага складніка.
Былы старшыня Беларускай федэрацыі лёгкай атлетыкі Вадзім Дзевятоўскі, каментуючы раней гэты выпадак, заяўляў, што не верыць у вінаватасць Марыны Арзамасавай.
У жніўні лёгкаатлетка падпісала ліст супраць гвалту і фальсіфікацый, але затым пад ціскам адклікала свой подпіс. Што, зрэшты, не дапамагло ёй захаваць працу, якой Арзамасава пазбавілася 19 лістапада.
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары8
Каментары