Siarhiej Łaźnica choča vyjści na čyrvonuju darožku ŭ Kanach pad pieśniu Kasi Kamockaj
24 maja na mižnarodnym kinafiestyvali pakažuć film «U tumanie» pavodle apovieści Bykava.
Rasijski kinakrytyk Andrej Płachaŭ nazyvaje film «U tumanie» “ekzistencyjalnaj dramaj na partyzanskim materyjale”.
Emacyjnaje napružańnie, ułaścivaje tvoram Vasila Bykava, Siarhiej Łaźnica padkreślivaje adsutnaściu muzyki.Ale niespadziavana vyjaŭlajecca, što 24 maja stvaralnikam stužki niama pad što prajści pa čyrvonaj dyvanovaj darožcy Kanskaha kinafestu!
Jak daviedałasia Jeŭraradyjo, zdymačnaja hrupa paprasiła ŭ Kasi Kamockaj dazvoł na toje, kab vyjści da hledačoŭ pad pieśniu “Moj palaŭničy” z “Narodnaha alboma”: “Reč u tym, što ŭ ich u filmie ŭvohule niama muzyki, — raspaviadaje Jeŭraradyjo Kasia Kamockaja.
— Ja ŭčora razmaŭlała… Bo mianie taksama zacikaviła, pry čym tut ja.A ŭ ich vielmi kłasny hukarežysior, jon biełarus. I ja kažu: “Dyk što, niama muzyki ŭ vas?” — “Niama, kažuć, u nas tolki ptušynyja śpievy”.
“U tumanie” — film ź biełaruskimi karaniami.
Režysior stužki Siarhiej Łaźnica naradziŭsia ŭ Baranavičach, vykanaŭca hałoŭnaj roli Uładzimir Śvirski — u Barysavie.Što praŭda, Łaźnica atrymaŭ adukacyju ŭ Kijevie, a žyvie ŭ Bierlinie, a Śvirski skončyŭ Rasijski ŭniviersitet teatralnaha mastactva i pracuje ŭ Maskvie… Na dumku kinaznaŭcy Ludmiły Sajankovaj, “biełaruskaha”, akramia postaci Vasila Bykava, u filmie niašmat.
“Biełaruśfilm” tolki krychu ŭdzielničaŭ, pradstaviŭšy paviljony, — pahadžajecca kinakrytyk Viačasłaŭ Rakicki. — Ale, na maju dumku,
film hety najbolš biełaruski. Bo ŭ asnovie jaho lažyć biełaruskaja proza i biełaruskaja historyja.I jana tam budzie, ja pierakanany ŭ hetym. Dla Łaźnicy było nadzvyčaj važna ekranizavać Bykava. Jon hetyja razmovy vioŭ daŭno i, nakolki ja viedaju, u jaho navat byŭ dazvoł ad Vasila Uładzimiraviča”.
U rasijskaj presie Łaźnicu nazyvajuć “režysioram, jaki zdymaje na rasiejskaj movie”. A “U tumanie” usprymajuć ledź nie jak supraćlehłaść jaho papiaredniaj pracy, karcinie “Ščaście majo”, u jakoj sučasnaja Rasija trapiła pad źniščalnuju krytyku.
“A ŭ Rasii pačali pisać: “Film pradstavić Rasiju na Kanskim kinafiestyvali!”. Dyk voś, nijakuju Rasiju jon nie pradstavić! Reč u tym, što na Kanskim fiestyvali vielmi niašmat značyć, ź jakoj krainy pryjechaŭ film. Jak i inšyja bujnyja festy — heta, najpierš, festy režysioraŭ”, — praciahvaje Viačasłaŭ Rakicki.
Niekalki supracoŭnikaŭ “Biełaruśfilma”, jakija ŭdzielničaŭ ŭ vytvorčaści “U tumanie”, užo zajmajucca arhanizacyjaj biełaruskaha paviljona ŭ Kanach. Na dziva,
vialikaj padziei z udziełu ŭ sioletnim Kanskim kinafeście na kinastudyi nie robiać:“My i letaś udzielničali. I letaś byŭ adkryty biełaruski paviljon”, — adkamientavaŭ Jeŭraradyjo načalnik scenarna-markietynhavaj słužby “Kinaprajekt” Anatol Karaloŭ.
Ale dyrektar “Biełaruśfilma” Aleh Silvanovič u Kany ŭsio ž padjedzie — bližej da 24 maja, kali adbudziecca premjera “U tumanie”.
Što zapisana aficyjnaj pryčynaj śmierci adzinaha syna Jarmošynaj?9
Kamientary