«Dalej niemahčyma tak, jak raźvivajecca naša škoła ŭ cełym".
Pra hetat zajaviŭ siońnia na naradzie piedahahičnaha aktyvu Alaksandr Łukašenka.
«Dalej niemahčyma tak, jak raźvivajecca naša škoła ŭ cełym.
U najaŭnaści ŭžo nie ŭ asobnych, a ŭ mnohich vypadkach masavaje parušeńnie elemientarnaha paradku, adsutnaść kantrolu, bačnaj pierśpiektyvy»,— skazaŭ kiraŭnik dziaržavy. Pavodle jaho słoŭ, praviedzieny niadaŭna manitorynh dziejnaści ŭstanoŭ adukacyi pakazaŭ, što «
nastaŭnik prychodzić u škołu, jak na zavod, fabryku: adpracavaŭ čas i pajšoŭ dadomu».«Tak škoła raźvivacca nie moža. Heta nie toj napramak raźvićcia škoły», — padkreśliŭ jon.
Na dumku jaho, bolšaść prablem chavałasia hadami pa pryčynie pasiŭnaści i abyjakavaści asobnych kiraŭnikoŭ i piedahohaŭ. Alaksandr Łukašenka padkreśliŭ, što dalej tak praciahvacca nie moža.
«U našym kole, skažu ščyra, naśpieła nieabchodnaść strasianuć ŭsiu piedahahičnuju hramadskaść krainy», — skazaŭ jon.
Łukašenka zaklikaŭ piedahohaŭ da adkrytaj razmovy. «Davajcie ščyra adkažam na ŭsie pytańni, vyznačym, čamu heta adbyvajecca, i nieadkładna vypravim stanovišča, zachavajem vysoki ŭzrovień i aŭtarytet našaj adukacyi, jaki skłaŭsia siońnia i jaki pryznajuć va ŭsim śviecie», — skazaŭ kiraŭnik dziaržavy.
U toj ža čas Alaksandr Łukašenka ličyć, što piedahohi składajuć asnovu hramadskaha žyćcia. «Biez našaha nastaŭnictva nie było b narmalnaj palityki ŭ našaj dziaržavie. Vy sapraŭdy asnova palityki našaj dziaržavy. Usie palityčnyja kampanii, usie napramki dziejnaści ŭ krainie tak abo inakš abapirajucca na vas. Vy jak byli ŭ savieckija časy, tak i zastajeciesia asnoŭnymi pravadnikami idej narmalnaha raźvićcia našaj dziaržavy i asnovaj, kali chočacie, stabilnaści», — skazaŭ Alaksandr Łukašenka.
Dvajniki viadomych biełarusaŭ. I nie kažycie, što nie zadumvalisia pra ich padabienstva11
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary