Siońnia ŭ administracyjnaj spravie studentki Haradzienskaha meduniversytetu Kaciaryny Hierasimčyk dapytali tolki adnu śviedku. Sudździa zrabiła pierapynak da druhoha krasavika.
U Leninskim sudzie Horadni dapytvali siabroŭku Kaciaryny Hierasimčyk Volhu Bahdankievič, jakuju razam ź joj zatrymali nočču z 11 na 12 lutaha ŭ centry Horadni pobač z pomnikam Leninu, na pastamencie jakoha byŭ zrobleny nadpis «Łuku na muku».
Volha Bahdankievič zaśviedčyła, što jany nie rabili nadpis, a tolki zaleźli na pastament, kab bližej razhledzieć, što tam napisana.
Na minułym pasiedžańni adzin ź milicyjantaŭ, jaki zatrymlivaŭ dziaŭčat, śviedčyŭ, što dziaŭčaty padymalisia na pastament pobač z pomnikam Leninu i niekalki sekundaŭ tam niešta rabili. I choć za pastamentam jamu nie było vidać, što mahli rabić tam dziaŭčaty, jon pryjšoŭ da vysnovy, što mienavita jany zrabili nadpis «Łuku na muku».
Druhi supracoŭnik milicyi pakazaŭ u sudzie, što nia moža zaśviedčyć, što mienavita dziaŭčaty rabili nadpis, ale, maŭlaŭ, kali jon z kaleham padyšoŭ da pomnika, to adčuŭ śviežy pach farby.
Nahadaju, što pry zatrymańni dziaŭčaty mieli pry sabie nalepki «Małady front» i razdrukoŭki z nadpisami «Svabodu Kirkieviču!», «Svabodu Niaklajevu!», «Svabodu Fiadutu!». Takija nalepki byli rasklejenyja ŭ centry Horadni.
Za heta na minułym tydni administracyjnaja kamisija pastanaviła pakarać dziaŭčat štrafami ŭ pamiery 10 minimalnych zarobkaŭ kožnuju, niahledziačy na toje, što nichto nie zaśpieŭ ich za tym, jak jany kleili hetyja nalepki.
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary