Hranat ješcie z kostačkami

Mnohija dumajuć, što svaju nazvu hranat atrymaŭ dziakujučy padabienstvu z kidalnym razryŭnym snaradam — hranataj. Nasamreč heta nie tak

10 pryčyn, kab źjeści hranat

1. Pavyšaje hiemahłabin. Samaja viadomaja ŭłaścivaść hranata — baraćba z aniemijaj. Pry małakroŭi ŭžyvajcie razbaŭleny hranatavy sok pa 0,5 šklanki 3 razy na dzień za 30 chvilin da jady na praciahu 2 miesiacaŭ.

2. Źnižaje cisk. Ziarniatki hranata miakka źnižajuć arteryjalny cisk. A pieraponki z pładoŭ hranata, vysušanyja i dabaŭlenyja ŭ harbatu, dapamohuć supakoić niervovuju sistemu, naładzić son.

3. Spyniaje dyjareju. Łupina i płady hranata vałodajuć viažučymi ŭłaścivaściami, tamu ich vykarystoŭvajuć suprać panosu. Prakipiacicie 20 h sušanaj zdrobnienaj łupiny (abo 50 h ziarniatak) u adnoj šklancy vady na słabym ahni na praciahu 30 chvilin, pracadzicie i picie pa 2 st. łyžki 2 razy na dzień.

4. Dezynfikuje rot i horła. Vodny advar łupiny hranata abo jaho sok vykarystoŭvajecca dla pałaskańnia rotavaj połaści pry anhinie i farynhicie, pry hinhivicie i stamatycie. Dubilnyja rečyvy zdymajuć bol, a arhaničnyja kisłoty źniščajuć infiekcyju.

5. Źnižaje cukar kryvi. Płady hranata — vielmi karysnyja dla dyjabietykaŭ. Užyvajcie pa 60 kroplaŭ soku 4 razy na dzień da jady — i ŭžo na treci dzień zaŭvažycie istotnaje źnižeńnie ŭzroŭniu cukru ŭ kryvi.

6. Vyvodzić radyjacyju. Sok hranata vielmi karysny dla tych, chto pracuje z radyjeaktyŭnymi izatopami abo žyvie ŭ zonie pavyšanaj radyjacyi.

7. Lečyć skuru. U vas tłustaja skura, vuhry abo hnojnyja vysypańni? Zrabicie masku z 2 st. łyžak hranatavaha soku, mylnaj pieny i 1 č. łyžki soli. Dastatkova patrymać masku na tvary 2–3 chviliny. A paraškom z vysušanaj łupiny možna efiektyŭna lačyć apioki, treščyny i drapiny.

8. Vyhaniaje hlisty. Łupina śpiełaha hranata ŭtrymlivaje ałkałoidy, jakija akazvajuć mocnaje hlistahonnaje dziejańnie. Kab pazbavicca ad hlistoŭ, nastojvajcie 40–50 h zdrobnienaj łupiny ŭ 400 h chałodnaj vady na praciahu 6 hadzin, a zatym prakipiacicie na słabym ahni, pakul nie vyparycca pałova vadkaści. Astudžany advar pracadzicie i vypicie na praciahu hadziny drobnymi porcyjami. Praz hadzinu vypicie słabicielnaje, a praz 4–5 hadzin zrabicie klizmu.

9. Pavyšaje aktyŭnaść harmonaŭ. Miłyja žančyny, ješcie hranat z kostačkami, bo jany, kostački, — krynica klatčatki, efirnych alejaŭ i fitaharmonaŭ, raślinny anałah estrahienaŭ. I šalonyja «hulni» harmonaŭ, razdražnialnaść, mihreni ŭ pieryjad klimaksu abyduć vas bokam.

Śmieła paicie svaich mužoŭ hranatavym sokam: šklanka ŭ dzień — i siamiejnaje žyćcio nie azmročać prablemy z patencyjaj. Akramia taho, rubinavy niektar zmahajecca z rakam prastaty. Pra hetyja ŭłaścivaści hranata viedali jašče staražytnyja hreki i nazyvali jaho płodam straści i ŭradlivaści.

10. Zdymaje zapaleńnie. Pry roznych zapalenčych zachvorvańniach (nyrak, hiniekałahičnych orhanaŭ i h.d.) dapamahaje advar łupiny hranata. Pryhatujcie jaho tak: 2 č. łyžki zdrobnienaj łupiny zalicie 1 šklankaj haračaj vady, patrymajcie na vadzianoj łaźni 30 chvilin, pracadzicie, adciśnicie i raźviadzicie hatavanaj vadoj da zychodnaha abjomu. Prymajcie pa 50 h 2–3 razy na dzień za 30 chvilin da jady.

Uvaha! Łupina hranata ŭtrymlivaje nievialikuju kolkaść jadavitych rečyvaŭ — ałkałoidaŭ. Nikoli nie pieravyšajcie daziroŭku advaraŭ, inakš mahčymaje atručeńnie. Akramia hetaha, arhaničnyja kisłoty hranatavaha soku mohuć razburać zubnuju emal. Tamu zaŭsiody razbaŭlajcie sok vadoj.

Z hranatam možna śmieła ekśpierymientavać na kuchni. Dla marynavańnia i tušeńnia miasa składana znajści štości bolš padychodnaje, čym hranatavy sok: enzimy, limonnaja, vinnaja i jabłyčnaja kisłoty robiać miasa vielmi miakkim. Dadajcie rubinavyja ziarniatki ŭ sałatu — i jana zajhraje novym smakam «z kiślinkaj»; prosta pasypcie lubuju stravu źvierchu — i vydatny dekor nie zastaniecca nie zaŭvažanym. Dla śviata dušy prypraŭcie ziarniatkami hranata marožanaje abo husta ŭźbityja viarški — desiert spadabajecca i darosłym, i dzieciam. Darečy, enierhietyčnaja kaštoŭnaść 100 h jadomaj častki pładoŭ hranata składaje 62–80 kkał, a 100 mł soku — 42–65 kkał.

Kali sam hranat u suchim chaładnavatym miescy lažyć prykładna paŭtara miesiaca, to sok hranata ŭ słoikach moža zachoŭvacca značna daŭžej, i pić jaho možna na praciahu ŭsioj zimy. Užyvać hranatavy sok rekamiendujecca pierad jadoj: jon palapšaje apietyt i sadziejničaje dobramu stravavańniu. Kali sok sterylizavać i dadać da jaho cukar, to atrymajecca hrenadzin — niezamienny inhredyjent dla mnohich kaktejlaŭ. Na asnovie hranatavaha soku taksama hatujuć šmat roznych sousaŭ.

«Pravilny» hranat pavinien być suchim zvonku i sakavitym unutry. Heta značyć, što ŭ śpiełaha płoda łupina pavinna być trochi padsušanaja i krychu abciahvać ziarniatki. Kali ž łupina hładkaja — hranat sarvali raniej terminu. Akramia łupiny, źviartajcie ŭvahu na «karonu» hranata — tam nie pavinna być zieleni. I apošniaje: hranat pavinien być ćviordym navobmacak. Kali jon miakki — značyć, byŭ pabity ŭ darozie, padhniŭ abo padmiorz. Adrazu admoŭciesia ad takoha płoda, jon nie pryniasie ni zadavalnieńnia, ni karyści.

• 0
• 0
• 1
• 0
• 0
• 0
• 0
• 0