Kamputarny virus staŭ pabočnaj pryčynaj avijakatastrofy dva hady tamu ŭ Ispanii. Da takoj vysnovy pryjšła śledčaja kamisija, jakaja vyvučaje abstaviny hibieli samalota MD-82, jaki paciarpieŭ krušeńnie padčas sprobie vyletu z Madryda 20 žniŭnia 2008. Tady z 172 pasažyraŭ i členaŭ ekipaža zahinuli 154 čałavieki.
Śćviardžajecca, byccam praz zaražeńnie škodnaj prahramaj kamputar, jaki adkazvaje za paviedamleńnie pra ŭsie niepaładki, nie zmoh papiaredzić piłotaŭ ab niapravilna pastaŭlenych zakryłkach samalota.
Samalot MD-82 pavinien byŭ vylecieć na Kanarskija vyspy. Padniacca ŭ pavietra jon zdoleŭ tolki z druhoj sproby i paśla niekalkich kołaŭ pa ŭźlotnaj pałasie. Ledź adarvaŭšysia ad ŭźlotna-pasadačnaj pałasy, avijałajnier začapiŭ chvastavoj častkaj ziamlu, niekalki razoŭ udaryŭsia ab jaje i zahareŭsia. Ciapier ekśpierty ličać, što sistema paviedamleńnia papiaredžvała piłotaŭ ab niemahčymaści ŭźlotu, adnak jany tak i nie atrymali hetych paviedamleńniaŭ praz kamputarny virus.
Kamientary