Urad raźličvaje, što ŭzrovień inflacyi sioleta składzie mienš za 10%

zajaviŭ prem'jer-ministr Biełarusi Siarhiej Sidorski na pasiadžeńni Savieta ministraŭ 27 lipienia.

Jon zaznačyŭ, što pa vynikach paŭhodździa atrymałasia vyjści na ŭzrovień inflacyi 4,1%. «Heta nižej u 1,8 razu, čym za anałahičny pieryjad minułaha hoda. Jość usie padstavy zabiaśpiečyć pa vynikach hoda ŭzrovień inflacyi nižejšy za 10%. Takuju zadaču my pastavili», — skazaŭ premjer.

Taksama Sidorski padkreśliŭ, što na druhoje paŭhodździe vyznačanyja bolš vysokija tempy našaha raźvićcia. Nam nieabchodna zabiaśpiečyć dalejšy rost VUP nie mienš čym na 10%», — skazaŭ premjer.

Pavodle jaho słoŭ, realnaść vykanańnia hetaha pakazčyka paćviardžajecca dynamikaj pieršaha paŭhodździa. Za šeść miesiacaŭ hoda VUP vyras na 6,6% suprać raźlikovych 6%, a abjom vytvorčaści pramysłovaj pradukcyi — na 8,8% suprać raźlikovych 6,2%, adznačyŭ Sidorski.

«My dadavali kožny miesiac jak u roście ekanomiki, tak i ŭ roście VUP. Heta dobraja praca, što dazvoliła dynamična raźvivacca», — ličyć kiraŭnik urada.

Prem'jer-ministr źviarnuŭ uvahu na toje, što pradpryjemstvy zdoleli pieravysić tempy rostu ekspartu tavaraŭ nad tempami rostu impartu na 12,9%. Akramia taho, za piać miesiacaŭ admoŭnaje salda źniešniaha handlu skaraciłasia na 500 młn. dołaraŭ. «Kali my budziem prytrymlivacca tempaŭ źnižeńnia admoŭnaha salda kožnaje paŭhodździe na 500 młn. dołaraŭ, jość usie padstavy vyjści na 1 studzienia 2013 hoda na stanoŭčaje salda», — zajaviŭ Sidorski.

Razam z tym kiraŭnik urada źviarnuŭ uvahu na nieabchodnaść pavieličeńnia pryrostu inviestycyj. «U pieršym paŭhodździ my stracili 2,2 trłn. rubloŭ inviestycyj. Treba budzie hety abjom adpracavać u druhim paŭhodździ», — skazaŭ jon.

Sidorski taksama adznačyŭ składanaści z pryciahnieńniem pramych zamiežnych inviestycyj. «Hety pakazčyk składaje ad niekalkich socień miljonaŭ dołaraŭ da 1–2 młrd. dołaraŭ u roznyja pieryjady. Treba ŭ 3–4 razy palepšyć pracu ŭ hetym kirunku», — padkreśliŭ premjer, nahadaŭšy, što na 2011 hod pastaŭlena zadača pryciahnuć u ekanomiku da 6 młrd. dołaraŭ pramych inviestycyj.

• 0
• 0
• 0
• 0
• 0
• 0
• 0
• 0