Hienprakuratura Kyrhyzstana nakiravała ŭ Minsk zapyt ab ekstradycyi Bakijeva

Pra heta siońnia paviedamiŭ žurnalistam Azimbiek Nazaraŭ, vice‑premjer časovaha ŭrada Kyrhyzstana, jaki kuryruje pravaachoŭnyja orhany. Pavodle jaho słoŭ, zapyt nakiravany 6 maja.

U Hienprakuratury Biełarusi zajavili, što zapyt z materyjałami, na padstavie jakich kirhizski bok maje namier pryciahnuć Bakijeva da kryminalnaj adkaznaści, da ich pakul nie pastupaŭ.

4 maja kiraŭnik časovaha ŭrada Kyrhyzstana Roza Atunbajeva padpisała dekret ab pazbaŭleńni Kurmanbieka Bakijeva prezidenckaj niedatykalnaści. U dekrecie havorycca, što »Bakijeŭ dapuściŭ rasstreł mirnych hramadzian i hetym sam pazbaviŭ siabie statusu eks‑prezidenta i niedatykalnaści».

7 krasavika ŭ Biškieku prychilniki apazicyi zaniali Dom urada, ułada pierajšła da časovaha ŭrada. U sutyknieńniach zahinuli bolš za 80 čałaviek, sotni atrymali ranieńni.

16 krasavika Bakijeŭ pakinuŭ krainu i napisaŭ zajavu ab składańni paŭnamoctvaŭ. 1

9 krasavika jon užo znachodziŭsia ŭ Biełarusi, a 21‑ha — vystupiŭ z zajavaj dla presy ab tym, što nie pryznaje svajoj adstaŭki i ličyć siabie prezidentam Kyrhyzstana.

4 maja prezident Biełarusi zajaviŭ, što nie źbirajecca vydavać Bakijeva novym uładam Kyrhyzstana. «Da mianie nichto aficyjna nie źviartaŭsia, — skazaŭ Alaksandr Łukašenka. — Ale adrazu chaču aficyjna zajavić: hetyja zvaroty buduć marnyja i źnievažalnyja dla časovaha ŭrada. Prezident Kyrhyzstana znachodzicca pad abaronaj biełaruskaj dziaržavy i prezidenta. Nie treba hetak zvanamu časovamu ŭradu źviartacca z patrabavańniem vydać Bakijeva. Kamu vydać? Ci zachaču ja jašče mieć znosiny z tymi, chto siońnia va ŭładzie ŭ Kirhizii».

Kamientujučy BiełaPAN mahčymaści ekstradycyi Bakijeva, krynica ŭ pravaachoŭnych orhanaŭ vykazała mierkavańnie, što hetaje pytańnie budzie vyrašacca nie ŭ ahulnakryminalnaj, a ŭ palityčnaj płoskaści. Pavodle słoŭ ekśpierta, u ahulnakryminalnaj praktycy na terytoryi SND pytańnie ab ekstradycyi vyrašajecca na padstavie Minskaj kanviencyi 1993 hoda ab pravavoj dapamozie i pravavych adnosinach pa hramadzianskich, siamiejnych i kryminalnych spravach.

Kali hramadzianin niejkaj dziaržavy ŭčyniŭ na jaje terytoryi złačynstva i schavaŭsia ŭ Biełarusi, to biełaruskija ŭłady abaviazany jaho vydać boku, jaki zapytvaje.

U toj ža čas, u adpaviednaści ź mižnarodnymi normami i nacyjanalnym zakanadaŭstvam, Biełaruś nie vydaje svaich hramadzian. Nie vydać abvinavačanaha Minsk

moža taksama ŭ vypadku davańnia jamu palityčnaha prytułku

Nahadajem, na pres‑kanfierencyi ŭ Minsku Bakijeŭ zajaviŭ, što nie maje namieru prasić palityčnaha prytułkuju

• 0
• 0
• 0
• 0
• 0
• 0
• 0
• 0