Daśledčyki biełaruskaj spadčyny hetaha rehijona źmiaščajuć tam raznastajnyja krynicy i navukovyja manahrafii.
Smalensk – nie Vilnia. I ŭ biełaruskaj nacyjanalnaj mifałohii zajmaje značna mienšaje miesca. Jaho nie pryniata ličyć žadanaj stalicaj, dzie naradžałasia biełaruskaja nacyjanalnaja ideja, a ab kolišniaj biełaruskaści Smalenščyny siońnia amal nichto ničoha nia viedaje.
Siarhiej Astankovič i Fared Bierašed, stvaralniki sajta, pryśviečanaha biełaruskaj spadčynie Smalenščyny, žadajuć źmianić taki stan rečaŭ. «Smalenščyna – adviečnaja ziamla biełaruskaha narodu» – pračytaje kožny, chto zojdzie na hetuju staronku.
Napaŭnieńnie sajta davoli ścipłaje, adnak raździeł «biblijateka» moža pachvalicca nasamreč cikavymi materyjałami, datyčnymi Smalenščyny i jaje roli ŭ biełaruskaj historyi i kultury. Teksty, što tut źmieščanyja, biez sumniovu mohuć być cikavyja jak navukoŭcam, tak i amataram biełaruščyny.
«Adnojčy my natyknulisia na cikavyja materyjały pa historyi biełaruskaj Smalenščyny, tak i naradziłasia ideja stvaryć admysłovuju staronku, na jakoj by raźmiaščalisia teksty i materyjały ab historyi hetaha rehijona i jaho biełaruskich karaniach – raspavioŭ «NN» Siarhiej Astankovič.
Zrazumieła, što Smalenščyna – heta etničnaja biełaruskaja terytoryja. Adnak zaraz tam ŭžo amal ničoha nie zastałosia, što b śviedčyła ab hetym. Tolki navukovyja daśledavańni, jakija varta vykarystoŭvać siońnia. Pamiać – heta vielmi važna.Z nami źviazvajucca navat ludzi z Rasii. Ja nie liču, što Smalenščyna vierniecca da Biełarusi, my nie pieraśledujem palityčnych metaŭ. Chočam tolki vykarystać kulturnuju spadčynu Smalenščyny dla adradžeńnia biełaruskaj movy i kultury».
Spadar Astankovič taksama paviedamiŭ ab płanach stvareńnia padobnych resursaŭ ab Čarnihaŭščynie i Pskoŭščynie.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary