Heta zroblena ŭ suviazi z «ahresiŭnymi dziejańniami KDB» u dačynieńni da polskich dypłamataŭ.
Ministerstva zamiežnych spraŭ Polščy 18 śniežnia vyklikała časovaha pavieranaha ŭ spravach Biełarusi Alaksieja Pankracienku, piša Reform.news.
Jak vynikaje ź siońniašniaha paviedamleńnia zamiežnapalityčnaha viedamstva, pradstaŭnik Biełarusi byŭ vyklikany «ŭ suviazi z ahresiŭnymi dziejańniami biełaruskaha KDB u dačynieńni da dypłamataŭ Respubliki Polšča na terytoryi Respubliki Biełaruś, a taksama trecich krain». Akramia taho, padstavaj dla vykliku stała nota MZS Biełarusi, uručanaja pradstaŭniku Polščy ŭ Minsku 11 śniežnia.
«Padčas sustrečy biełaruskamu dypłamatu była ŭručanaja nota, u jakoj vykazvajecca rašučy pratest suprać vyšejzhadanych dziejańniaŭ, a taksama było paviedamlena, što praciah padobnaha rodu pravakacyi sustrenie simietryčny adkaz z polskaha boku», — havorycca ŭ paviedamleńni.
Nahadajem, na minułym tydni pa biełaruskim telebačańni byŭ pakazany film pra sprobu viarboŭki biełaruskaha dypłamata polskimi śpiecsłužbami ŭ Kišyniovie, jakaja nibyta mieła miesca ŭ Kišyniovie. 11 śniežnia časovy pačasovy ŭ spravach Polščy ŭ Biełarusi Kšyštaf Ažanna byŭ vyklikany ŭ MZS, dzie jamu była ŭručanaja nota.
Raniej udałosia vyśvietlić, što dypłamat, jakoha, pavodle viersii biełaruskaha boku, sprabavali padkupić polskija śpiecsłužby, moža źjaŭlacca supracoŭnikam KDB, jakija pracujuć pad prykryćciom.
-
Biełaruski błohier Uład Bumaha trapiŭ na pramuju liniju da Pucina i mocna prahnuŭsia pierad im
-
Hrodzieniec vyrablaje niezvyčajnyja doški dla sierviroŭki i ŭpryhožvaje ich sapraŭdnymi kvietkami
-
Dalnabojščyku ź Minska pahražaje da čatyroch hadoŭ kałonii za «tysiaču kamientaroŭ» pra Łukašenku, sudździaŭ i siłavikoŭ
Kamientary