U Murmanskaj vobłaści dvuchpaviarchovy pasažyrski ciahnik sutyknuŭsia z tavarnym — vahony syšli z rejek
Krušeńnie paciarpieŭ rasijski ciahnik Murmansk — Sankt-Pieciarburh, u vyniku avaryi paciarpieli jak minimum 14 čałaviek.
U vyniku sutyknieńnia try vahony pasažyrskaha ciahnika, a taksama vahony tavarnaha sastava syšli z rejek. Jak minimum 14 čałaviek paciarpieli, piaciora ź ich znachodziacca ŭ ciažkim stanie.
Pavodle danych Rasijskaj čyhunki, u ciahniku było 326 pasažyraŭ. Na miescy pracujuć ratavalniki i miedyki. Pasažyraŭ evakujujuć ź miesca zdareńnia.
Avaryja adbyłasia ŭ rajonie stancyi Koŭda. Pasažyry raskazali rasijskim ŚMI, što pierad sutyknieńniem ciahnik rezka zatarmaziŭ. Paśla avaryi ich evakujavali bieź vierchniaha adzieńnia, a na vulicy tam tym časam -27 °C.
Pryčynaj sutyknieńnia stała niaspraŭnaść tavarnaha ciahnika. Krychu raniej z-za prablem z tokapryjomnikam sastaŭ zamacavali da prybyćcia ramontnikaŭ. Adnak u ciahnika admovili tarmazy i jon vykaciŭsia na inšy puć, dzie ź im sutyknuŭsia pasažyrski ciahnik, piša «Baza».
Usiaho z rejek syšli vosiem vahonaŭ.
Kamientary