Znakamity rynak «Malinaŭka» ŭ rajonie ahraharadka Aziarco pad Minskam sprabujuć pradać. Infarmacyja pra heta źjaviłasia na sajcie ZAT «Biełrealizacyja», abjekt vystaviŭ na prodaž Śbier Bank.
U inviestycyjnaj prapanovie paznačana, što abjekt moža być pradadzieny jak na tarhach, tak i pa pramoj damovie. Pakupniku prapanujuć usio optam: 102 abjekty nieruchomaści na terytoryi zvyš 25 ha, a taksama inžyniernyja kamunikacyi. Adzinaje i samaje važnaje, čaho niama ŭ abjavie, — heta košt.
Jak paviedamili vydańniu Office Life na handlovaj placoŭcy, prapanovu vykłali ŭ adkryty dostup z metaj vyvučeńnia popytu. Ułaśnik pavinien pryniać rašeńnie pra canu i formu prodažu ŭ najbližejšy čas.
Niekali najbujniejšaja ŭ krainie placoŭka pa prodažy aŭtamabilaŭ i zapčastak pierajšła banku za daŭhi raniejšaha ŭłaśnika — ZAT «Handlovy Śviet Kalco», jakoje było likvidavana pa rašeńni suda ŭ 2023 hodzie. Hetaja kampanija naležała viadomamu biełaruskamu biznesoŭcu Juryju Aviarjanavu, jaki byŭ adnym ź pieršych ajčynnych dalaravych miljanieraŭ. Ciapier jon znachodzicca za miažoj, a ŭ Biełarusi suprać jaho raspačataja kryminalnaja sprava.
Rynak u Malinaŭcy sprabavała pradać jašče ZAT «Handlovy Śviet Kalco», kab raźličycca kredytorami. U 2021 hodzie za jaho prasili kala 44 młn rubloŭ. Pa tahačasnym kursie heta składała amal $17 młn.
«Za vychadnyja na «Malinaŭcy» pradali ŭsiaho niekalki aŭto». Jak biełaruski aŭtarynak žyvie biez rasijan
Kampaniju, jakaja vałodała aŭtarynkam u Malinaŭcy, likvidavali
Biełarus pradaje 23-hadovuju BMW «piaciorku» za 27 500 dalaraŭ i nie hatovy tarhavacca, bo z hrašyma ŭ jaho ŭsio ŭ paradku
U Kitai pačali budavać pieršy ŭ śviecie zavod latučych aŭtamabilaŭ
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary