Amierykanskija palityki zaklikajuć Ukrainu źnizić uzrost mabilizacyi da 18-19 hadoŭ. Zialenski suprać
Daradca kiraŭnika Ofisa prezidenta Ukrainy raskazaŭ pra cisk na Uładzimira Zialenskaha z boku amierykanskaha isteblišmientu.
Pradstaŭniki Demakratyčnaj i Respublikanskaj partyj ZŠA zaklikajuć Uładzimira Zialenskaha źnizić uzrost mabilizacyi va Ukrainie da 18 hadoŭ.
Pra heta ŭ svaim telehram-kanale napisaŭ daradca kiraŭnika Ofisa prezidenta Ukrainy Siarhiej Leščanka.
«Kali hetaja infarmacyja ŭspłyła na pavierchniu, mahu paćvierdzić: amierykanskija palityki z abiedźviuch partyj cisnuć na prezidenta Zialenskaha ŭ pytańni, čamu va Ukrainie nie pravodzicca mabilizacyja tych, kamu ad 18 da 25 hadoŭ. Arhumient partnioraŭ taki: kali była vajna ZŠA ŭ Vjetnamie, tudy zabirali z 19 hadoŭ», — napisaŭ Leščanka.
Ź jahonych słoŭ, pradstaŭniki amierykanskaha isteblišmientu źviazvajuć hetaje pytańnie z novymi pastaŭkami zbroi va Ukrainu.
«Prezident Zialenski nie pradaviŭsia i praciahvaje pierakonvać palitykaŭ z abiedźviuch partyj davać zbroju bieź źmieny pryzyŭnoha ŭzrostu», — dadaŭ Leščanka.
Na hety momant nižniaja płanka mabilizacyi va Ukrainie składaje 25 hadoŭ. Niadaŭna ŭkrainskija ŚMI sa spasyłkaj na deputataŭ paviedamlali, što ŭ Viarchoŭnaj Radzie abmiarkoŭvajuć mahčymaść panižeńnia hetaha ŭzrostu.
Kamientary