Fond dapamohi biełarusam u Litvie Razam apublikavaŭ u fejsbuku zajavu, u jakoj aficyjna paviedamiŭ, što bolš nie prymaje humanitarnaj dapamohi, źviazanaj z adzieńniem.
Pryčynaj pryniataha rašeńnia stali sumnievy, što takoha kštałtu dapamoha z boku fondu vykarystoŭvajecca pa pryznačeńni.
Tak, supracoŭniki fondu daviedalisia, što adzieńnie i abutak, jaki jany pieradavali niekamu zadarma, pradajuć na adnym ź vilenskich rynkaŭ. Dziciačyja cacki, jakija ludzi zabrali ŭ fondzie, praz 10 chvilin byli zaŭvažanyja vykinutymi na vulicu. A adzin biełarus, jaki śpiarša nabraŭ vielmi šmat adzieńnia, paśla ŭ sacsietkach napisaŭ pra toje, što nibyta supracoŭniki fondu ź jaho patrabavali hrošy.
U suviazi z hetym ad praktyki akazańnia dapamohi biełarusam adzieńniem z boku niepasredna fondu vyrašana admovicca. U toj ža čas praciahvaje pracavać telehram-čat «Virtualny skład». Praź jaho možna dzialicca rečami, jakija mohuć spatrebicca inšym. Dla hetaha treba prosta sfatahrafavać toje, što čałaviek choča addać, i vykłaści ŭ čat.
U Minsku zatrymali partnioraŭ Maziepina pa «Urałkalii», adnych z samych bahatych biełarusaŭ Rasii10
Kamientary