Jak minimum siem siłavikoŭ zatrymlivali mužčynu, jaki nibyta pakinuŭ kamientar pra supracoŭnikaŭ HUBAZiKa
Jon nibyta prakamientavaŭ navinu pra mužčynu, jaki abaraniaŭsia ad siłavikoŭ u cyvilnym z nažom.
Mužčyna žyvie ŭ vioscy Prokšaničy Mahiloŭskaha rajona. Jaho zatrymlivali ŭ pryvatnym domie jak minimum siem siłavikoŭ u abmundziravańni, a jašče jak minimum troje ŭ cyvilnym zdymali zatrymańnie na telefony.
Na videa mužčyna havoryć, što nibyta znachodzicca ŭ «ekstremisckich» čatach i pakidaje kamientary. Jamu inkryminujuć, siarod inšaha, kamientary da naviny pra mužčynu, jaki ŭ Mahilovie adbivaŭsia ad siłavikoŭ u cyvilnym nažom.
U roliku siłaviki pakazali niekalki kamientaroŭ, jakija nibyta naležać mužčynie. Bolšaść ź ich napisanyja na biełaruskaj movie. Adnak kamientaroŭ pra siłavikoŭ ci abraz na adras milicyjantaŭ tam niama.
Adzin z kamientaroŭ hučyć tak: «Ja pakul u Biełarusi, ale ž takimi tempami za miažoj siabraŭ budzie bolej, čym tutaka».
Pra status zatrymanaha pakul nie paviedamlajecca.
Kamientary
chutčej usio ž słabaviki