SK RF: Nieviadomy insiektycyd pryvioŭ da śmierci dziaciej pad Krasnajarskam
Siamja trapiła ŭ balnicu z prykmietami atručvańnia, u vyniku čaho pamierli čaćviora dziaciej — ekśpierty padazrajuć, što ŭ ježu trapiła nieŭstanoŭlenaje insiektycydnaje rečyva.
Pryjarytetnaj viersijaj hibieli dziaciej, jakija atrucilisia ŭ Krasnajarskim krai, źjaŭlajecca trapleńnie ŭ arhanizm kampanientaŭ nieviadomaha insiektycydnaha srodku, pra heta paviedamili ŭ SK, piša «Sputnik».
Tam udakładnili, što śledstva atrymała papiarednija danyja sudova-chimičnaj ekśpiertyzy.
«Trapleńnie ŭ arhanizm dziaciej kampanientaŭ insiektycydnaha nieŭstanoŭlenaha srodku — pryjarytetnaja viersija śledstva atručvańnia dziaciej u Nazaraŭskim rajonie Krasnajarskaha kraju na hety momant», — cytuje RIA Naviny pradstaŭnika SK.
Bijamateryjały dla daśledavańniaŭ byli adabrany z usich orhanaŭ zahinułych dziaciej. U ich ekśpierty vyjavili kampanienty nieŭstanoŭlenaha insiektycydnaha rečyva, «jakija ź vialikaj dolaj vierahodnaści paciahnuli śmierć dziaciej».
***
Siamja ź vioski Čyrvonaja Sopka (u tym liku čaćviora dziaciej 6, 11, 12 i 13 hadoŭ) 20 vieraśnia paviačerała nabytymi ŭ miascovaj kramie praduktami — kurycaj i pielmieniami.
Na nastupny dzień usich členaŭ siamji źjavilisia prykmiety atručvańnia: młosnaść, vanity. Jany źviarnulisia ŭ balnicu, dzie dvoje dziaciej — šaścihadovaja dziaŭčynka i chłopčyk 13 hadoŭ — pamierli. U niadzielu pamierła treciaje dzicia — 11-hadovaja dziaŭčynka, a ŭ noč na paniadziełak — jašče adna dziaŭčynka 12 hadoŭ.
Darosłyja — 34-hadovy mužčyna i 32-hadovaja žančyna — pryjšli aprytomnieli ŭ paniadziełak. Pry hetym viadoma, što žančyna znachodzicca na dziaviatym miesiacy ciažarnaści.
U kramie, dzie nabyvalisia pradukty, byli kanfiskavanyja proby, pravierku prajšli i adabranyja ŭ domie siamji. Rasspažyŭnahlad nie znajšoŭ u ich nijakich niebiaśpiečnych rečyvaŭ.
U jakaści adnoj ź viersij prakuratura raniej razhladała vykarystańnie dychłafosu pry apracoŭcy doma ad nasiakomych 20 vieraśnia.
Pry hetym śledčyja praviarali i inšyja viersii: atručvańnie praduktami, nabytymi ŭ sielskaj kramie, i atručvańnie praduktami ŭłasnaj haspadarki.
Kamientary