Siłaviki zatrymali siabra mahiloŭca, jaki adbivaŭsia z nažom ad supracoŭnikaŭ HUBAZiKa
Pres-słužba MUS paviedamlaje, što pry pieratrusie ŭ domie hetaha čałavieka siłaviki vyjavili ahniastrelnuju zbroju, častki da jaje, patrony, rečyvy dla vyrabu vybuchoŭki, narkotyki, chałodnuju zbroju, u tym liku zamaskiravanuju pad pradmiety pobytu.
Taksama paviedamlajecca, što ŭ pačatku 1980-ch mužčyna pryciahvaŭsia da kryminalnaj adkaznaści za zamach na kradziež zbroi ŭ supracoŭnika orhanaŭ unutranych spraŭ. Da jaho ŭžyvałasia prymusovaja miera lačeńnia — źmiaščeńnie ŭ psichijatryčnuju balnicu.
U dačynieńni da zatrymanaha raspačali kryminalnuju spravu za niezakonny abarot ahniastrelnaj zbroi (artykuł 295 KK).
Nahadajem, što ŭ paniadziełak u Mahilovie supracoŭniki HUBAZiKa nibyta vyjavili haradžanina, datyčnaha byccam by da «ekstremisckaj» dziejnaści. Toj staŭ adbivacca nažom. Pry pieratrusie ŭ mahiloŭca vyjavili patrony, chałodnuju zbroju, dapamožnik pa vyrabie vybuchovych rečyvaŭ, «ekstremisckuju» litaraturu. Taksama nibyta pry zatrymańni znajšli samarobny pistalet.
Kamientary