Eks-mer Sočy źbieh ad kryminalnych spraŭ na vajnu va Ukrainu. Jaho zatrymali ŭ «ŁNR» i viarnuli
U eks-mera znajšli 12 ziamielnych učastkaŭ, raskošny katedž, kvateru płoščaj 300 m2, dzieviać niežyłych budynkaŭ i try mašyny.
U samaabvieščanaj «Łuhanskaj Narodnaj Respublicy» zatrymali byłoha mera Sočy Alaksieja Kapajharodskaha, jaki źjechaŭ dobraachvotnikam na vajnu z Ukrainaj paśla svajoj adstaŭki čatyry miesiacy tamu. Kapajharodskaha ŭžo etapavali ŭ Maskvu, u dačynieńni da jaho viaducca śledčyja dziejańni, piša Moscow Times.
Pavodle papiarednich źviestak, eks-mera padazrajuć u złoŭžyvańni słužbovymi paŭnamoctvami i machlarstvie. Pavodle źviestak praŭładnych telehram-kanałaŭ, Kapajharodski byŭ zamiašany ŭ admyvańni bolš za 600 młn rasijskich rubloŭ na lipavych dziaržkantraktach razam z namieśnikam načalnika HU MNS Rasii Krasnadarskaha kraju Siarhiejem Simanienkam, jakoha zatrymali raniej.
Taksama proźvišča Kapajharodskaha fihuravała ŭ spravie jaho daradcy Ramana Piščura, zapadozranaha va ŭdziele ŭ AZH, jakaja vymahała hrošy za miescy na haradskich mohiłkach.
Pavodle infarmacyi Mash, doma ŭ Kapajharodskaha prajšli pieratrusy.
U eks-mera znajšli 12 ziamielnych učastkaŭ, raskošny katedž, kvateru płoščaj 300 m2, dzieviać niežyłych budynkaŭ i try mašyny: Land Rover, Mercedes-Benz, Hyundai Santa Fe.
Amal usiu nieruchomaść ahulnym koštam bolš za 1 młrd rasijskich rubloŭ (kala 10 młn dalaraŭ) jon aformiŭ dziaciej i žonku Nastaśsiu Hrydzinu, jakuju vyklikali na dopyt u Śledčy kamitet.
Pieršaja vice-mer Minska Nadzieja Łazarevič prajšła praz zatrymańnie, muž zastaŭsia ŭ SIZA11
Kamientary