Na vajnie va Ukrainie zahinuŭ rasijski bajec z rostam 140 santymietraŭ
Arciom vyhladaŭ jak dzicia praz zapavoleńnie harmonu rostu.
Va Ukrainie zahinuŭ 28-hadovy biełharadziec Arciom Niafiodaŭ — jon vyhladaŭ jak dzicia praz zapavoleńnie harmonu rostu. U internecie jaho prazvali «samym papularnym achoŭnikam Rasii», piša telehram-kanał «Piepieł Biełharad».
Niafiodaŭ staŭ papularny dziakujučy fejku pra toje, što jon niahledziačy na svoj maleńki rost i dziciačuju źniešnaść, nibyta pracavaŭ achoŭnikam va Ufie. Da padpisańnia kantraktu jon pracavaŭ na kambikormavym zavodzie ŭ kałhasie.
U 2,5 hoda Arciom, jaki naradziŭsia ŭ vioscy Sałochi Biełharadskaha rajona, zachvareŭ na cukrovy dyjabiet, jaki zamarudziŭ u jaho arhaniźmie vypracoŭku harmonu rostu — samatrapinu — i da 24 hadoŭ jon vyras tolki da 140 santymietraŭ.
9 vieraśnia 2023 hoda jon apublikavaŭ post pra toje, što «ŭžo pryjechaŭ u Łuhansk», a zatym — jašče niekalki pastoŭ u vajskovaj formie. Apošni — 20 kastryčnika 2023 hoda.
Maci Arcioma Niafiodava apublikavała fatahrafiju ź jaho mahiłaj i podpisam «Pamiatajem, lubim, smutkujem» jašče 31 śniežnia 2023 hoda. Adnak «Piepieł» znajšoŭ hety post tolki ciapier — jon staŭ 874-m zahinułym vajskoŭcam ź Biełharadskaj vobłaści.
Jak i čamu jon trapiŭ na vajnu, uličvajučy jaho zachvorvańni, — nieviadoma.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary