Mastak Alaksiej Kuźmič na voli. Ale z Francyi jon pavinien vyjechać
Mastak Alaksiej Kuźmič skončyŭ haładoŭku ŭ izalatary ŭ Francyi i vyjšaŭ na volu. Pra heta jon napisaŭ u sacsietkach.
Jak Kuźmič raspavioŭ «Miedyjazonie», ułady abaviazali jaho pakinuć Francyju. Adnak źniali zabaronu na znachodžańnie ŭ krainie, to-bok mastak maje mahčymaść viarnucca paźniej.
Haładaŭ mastak z 6 žniŭnia. 17 žniŭnia z-za taho, što cukar u jaho kryvi apuściŭsia, jamu vyklikali chutkuju dapamohu. Daktary pastavili kropielnicu z hlukozaj.
Kuźmiča adpravili ŭ SIZA ŭ Francyi z-za pierfomansu na mahile Vincenta Van Hoha.
Biełarus u biełym harnitury kapaŭ miesca pachavańnia sa słovami «Mastak! Ustavaj!»
6 žniŭnia sud pakinuŭ Kuźmiča ŭ SIZA na 26 sutak, paśla čaho jon abjaviŭ haładoŭku.
Rydloŭku, jakoj jon kapaŭ mahiłu, jamu tak i nie viarnuli. Palicyja źniščyć jaje jak «zbroju złačynstva».
Kuźmič abjaviŭ zbor srodkaŭ, kab raźličycca z advakatami, jakija pracavali pa jaho spravie.
Kamientary