«Drazdy-3». Jak u pasiołku pad Minskam pasialilisia Hałoŭčanka, Hłaz, Jančeŭski, Kavalčuk i inšaja łukašenkaŭskaja elita

Kali zavieści mator u centry stalicy, vyjechać z Malinaŭki na bresckuju trasu, potym raźviarnucca kala Biełmytservisa i zbočyć naprava, praskočyŭšy vuzkaje pole i stužku čyhunki, to vaša mašyna ŭprecca ŭ čyrvonyja aŭtamatyčnyja varoty i punkt achovy. Usia daroha, kali nie było zatoraŭ, zojmie chvilin z 30. Maršrut — zvyčajnaja rucina «dom-praca» dla tych, chto žyvie za čyrvonym płotam. 

Kali pa zakonie, to sadovyja tavarystvy zvyčajna stvarajucca dla kalektyŭnaha vyroščvańnia sielskahaspadarčych kultur. Dla zamknionaha miž polem i adnajmiennaj rečkaj sadovaha tavarystva «Na Pcičy» hetaje pałažeńnie nie nadta aktualnaje. Spadarožnikavyja zdymki śviedčać, što ŭ miascovych dačnikaŭ niama ciahi ni da jakoj z formaŭ raślinavodstva. 

Pavialičyć

Jany naŭrad ci padtrymajuć razmovu pra «karalevu Hannu», ale dakładna niešta ciamiać u budaŭnictvie sadovych domikaŭ.

«Na Pcičy» sadovyja domiki pryniata budavać pa indyvidualnych prajektach i takimi, jakimi jany pa-sapraŭdnamu pavinny być: kab nie cisnulisia da ziamli, z haražom unutry i abaviazkova łaźniaj. 

Pavialičyć

Budaŭnictva idzie ŭ narmalnym tempie. Da sadovych domikaŭ zakon padychodzić łajalna: nie treba atrymlivać dazvoł, raspracoŭvać i ŭzhadniać prajektnuju dakumientacyju, rabić pryjomku. Chapaje tolki daviedki ad staršyni tavarystva. 

Biezumoŭna, niama nijakaha hrachu ŭ tym, kab u čałavieka byŭ vialiki dom. Chaj navat pa papierach jon i nazyvaŭsia b sadovym domikam, jakaja roźnica. U hetaj historyi važnyja spačatku ludzi, a ŭžo potym damy.

Sadovaje tavarystva «Na Pcičy» — heta miesca kampaktnaha pražyvańnia hienierałaŭ, ministraŭ i inšych vysokich čynoŭnikaŭ. 

Alaksandr Łukašenka stvaryŭ padobnuju praktyku jašče ŭ siaredzinie 2000-ch. Topavych ministraŭ, siłavikoŭ i spartsmienaŭ jon pasialiŭ kala siabie ŭ Drazdach. Kali miesca skončyłasia, u 2010-ja stali zabudoŭvać novaje miesca niepadaloku, u Viaśnincy. Hety rajon nazvali Drazdy-2.

Ahułam učastki tady atrymali bolš za 100 čałaviek. Hetym Łukašenka zabivaŭ adrazu dvuch zajcoŭ.

Pa-pieršaje, davaŭ svaim čynoŭnikam zarabić. Pa śviedčańniach, ministry atrymlivajuć zarobak $2-3 tysiačy — heta niemałyja hrošy, ale daloka nie kaśmičnyja. A tut raptam jany atrymlivajuć mahčymaść pabudavać za $100-200 tysiač (mahčyma, jašče i ŭ kredyt) katedž, jaki budzie kaštavać na rynku kala $1 miljona. Heta ŭžo hrošy, jakich chopić dzieciam, a moža, i ŭnukam.

Pa-druhoje, takaja kampaktnaść pražyvańnia spryjaje tamu, što ludzi vymušana kruciacca ŭ adnym asiarodździ. Što ty schavaješ ad susiedziaŭ, jakija svaje płany?

Z tych 100 čałaviek, chto atrymali ŭčastki ŭ Drazdach i Drazdach-2, u 2020 hodzie na bok narodu pierajšła tolki Alaksandra Hierasimienia. Dy i taja jašče tolki zajmieła ziamlu, ale nie paśpieła navat zasialicca, nie toje što pasiabravać sa svajoj susiedkaj Natallaj Kačanavaj.

Čytajcie. Ad Abielskaj da Jarmošynaj: 113 uładalnikaŭ katedžaŭ u Drazdach, poŭny śpis

Pavialičyć

Chto ž apynuŭsia ŭ novym pasiołku? Moža być, nie nastolki davieranyja, kab sialić ich pobač z saboj u Drazdach, ale i nie takija drobnyja, kab mučyć doŭhaj darohaj da miesca słužby.

Z dapamohaj «Biełpoła» my daviedalisia pra nasielnikaŭ. Voś samyja znakamityja sadavody, u jakich jość pa 15 sotak za 10 chvilin ad kalcavoj: 

— Premjer-ministr Biełarusi z 2020 hoda Raman Hałoŭčanka; 

— Ministr sportu i turyzmu z 2018 hoda Siarhiej Kavalčuk; 

— Hałoŭny ideołah i daradca Łukašenki (2008-2017), dyrektar Parka vysokich technałohij (2017-2023) Usievaład Jančeŭski; 

— Načalnik Hienieralnaha štaba (2009-2013) Piotr Cichanoŭski; 

— Kiraŭnik Biełteleradyjokampanii (2004-2005), ministr kultury (2005-2009) i pamočnik Łukašenki (2009-2011) Uładzimir Maćviajčuk;

— Namieśnik ministra abarony (2004-2012) Ivan Dyrman;

— Načalnik USK pa Bresckaj vobłaści (2011-2019), namieśnik dziaržaŭnaha sakratara Rady biaśpieki z 2019 hoda Alaksandr Rachmanaŭ; 

— Načalnik upraŭleńnia infarmacyi, pres-sakratar MZS z 2018 hoda Anatol Hłaz; 

— Načalnik hałoŭnaha ŭpraŭleńnia ideałahičnaj raboty Ministerstva abarony, pamočnik ministra abarony (2004-2018), Alaksandr Hura;

— Staršynia suda Centralnaha rajona Minska, staršynia kamisii pa zakanadaŭstvie i sudova-pravavych pytańniach Pałaty pradstaŭnikoŭ (2008-2012) Mikałaj Samasiejka;

— Namieśnik staršyni Kamiteta sudovych ekśpiertyz (2013-2020), namieśnik hienieralnaha prakurora z 2020 hoda Maksim Varonin; 

— Pres-sakratarka Viarchoŭnaha Suda Julija Laskova (učastak aformleny na muža). 

Proźviščy mnohich inšych udzielnikaŭ sadovaha tavarystva čytaču ničoha nie skažuć, pieraličvać ich vialikaha sensu nie maje. 

Ale my nie pamylimsia, kali napišam, što ŭčastki «Na Pcičy» majuć amal što ŭsie načalniki upraŭleńniaŭ administracyi Łukašenki, načalniki ŭpraŭleńniaŭ Rady biaśpieki, a taksama achoŭniki Łukašenki.

Pavialičyć

Sa 150 sadavodaŭ litaralna niekalki čałaviek abo nie majuć dačynieńnia da dziaržaŭnych struktur, abo dobra zamaskiravali svajo minułaje. Jość taksama niekalki bankiraŭ i małaviadomych kamiersantaŭ. 

Pavialičyć

Učastak tavarystva daminuje nad łandšaftam. Nievysoki čyrvony płot ź mietałaprofilu amal nie prykryvaje sadovyja domiki pieršaj linii, ich dobra bačna z prylehłaj darohi.

Pavialičyć

Pry ŭsim bahaćci bijahrafii, a značyć, i šyryni vopytu, niekatorych pasialan padvodzić pačućcio architekturnaha stylu. Dom, padobny da hałavy robata ŭ kiepcy, naležyć Mikałaju Samasiejku. 

Pavialičyć

Varta adznačyć, što ź niekatorych učastkaŭ da sonca ciahniecca pustazielle, damoŭ tam niama: hienierały Rachmanaŭ i Hura, a taksama premjer Hałoŭčanka navat nie pačali budavacca. Usievaład Jančeŭski pačaŭ, ale nie skončyŭ — na samaj dalniaj i krajniaj dzialancy tavarystva tolki bialeje fundamient.

Pavialičyć

Da samoj mahčymaści vieści budaŭnictva vialikich damoŭ, budučy klerkam, pytańniaŭ niama — usio ž čałaviek moža žyć ekanomna; abapiracca na dapamohu siamji, svajakoŭ i bankaŭskaha kredytu.

Cikavaje inšaje — a jak ziamla pad Minskam trapiła ŭ rasparadžeńnie hetych hasudaravych słuh? Kali my dapuścim, što jany bilisia za jaje na aŭkcyjonach, jak taho patrabuje zakon, to biezumoŭna pamylimsia. Aŭkcyjonaŭ nie było — ziamla išła ŭ jakaści navahodniaha padarunka da 2012 hoda.

Pavialičyć

U vypiskach z kadastru havorycca, što čynoŭniki atrymlivali jaje ŭ pastajannaje karystańnie adnym rašeńniem Minabłvykankama №1370 z kastryčnika pa śniežań 2011-ha.

Usie atrymalniki ziemlaŭ ź pieršaj partyi nieviadomyja, bo niechta ŭžo paśpieŭ pradacca maładziejšym kaleham, jakim važnyja pont i statusnyja susiedzi.

Anatol Hłaz, naprykład, pa ŭzroście i pazicyi ŭ tabieli ab ranhach u 2011-m prosta nie moh pretendavać na biaspłatnaje vydzialeńnie ziamli, tamu ŭ 2016-m kupiŭ «Na Pcičy» ŭčastak za hrošy.

Kolki kaštavała ziamla na momant vydzialeńnia, razabracca ŭžo składana. Ale možna prykinuć, kolki jana kaštuje ciapier. 

Na «Kufry» vystaŭlenaja aktualnaja abviestka ab prodažy adnaho z samych niahiehłych domikaŭ sadovaha tavarystva «Na Pcičy»: tannyja materyjały, niezaviedzieny haz (chacia na vulicy jon jość), kiepskaja płaniroŭka, adsutnaść aciapleńnia, niezrazumieła, što z vadapravodam. 

Spadčyna adnaho ź niešmatlikich žycharoŭ ST, jaki pabudavaŭ sabie nie dom, a daču — pamierłaha ad karanavirusa śpiecsłužbista Alaksandra Nikujki. 

Kolki za jaje chočuć? $100 tysiač. 

Pavialičyć

Z ulikam taho, što čałavieku, jaki choča kamfortna žyć pad Minskam, u hetym domiku karyść budzie maksimum z padmurka, možna zrazumieć paradak ličbaŭ, u jaki nasamreč aceńvajecca ziamla «Na Pcičy». 

• 1
• 0
• 0
• 7
• 1
• 0
• 13
• 1