Eks-pasoł ZŠA ŭ Rasii raskazaŭ, jakuju kodavuju frazu prydumaŭ na momant pačatku vajny Rasii suprać Ukrainy
Były amierykanski ambasadar u Rasii Džon Salivan apublikavaŭ miemuary pad nazvaj «Poŭnač u Maskvie: Miemuary ź pieradavoj vajny Rasii suprać Zachadu». «Kommiersant» publikuje vytrymki z knihi.
Pavodle słoŭ Salivana, jaho misija ŭ Maskvie stała asabliva ciažkaj z-za karanavirusa i pačatku rasijskaj vajennaj apieracyi na Ukrainie» ŭ spałučeńni z mocna skaročanym štatam supracoŭnikaŭ i biaźlitasna varožym uradam prymajučaha boku».
Dypłamat uzhadvaje pra noč z 23 na 24 lutaha 2022 hoda, kali prezident Rasii Uładzimir Pucin abviaściŭ pra pačatak vajskovaj apieracyi na Ukrainie.
Salivan u toj momant žyŭ u maskoŭskaj rezidencyi ŭ rajonie Arbata, a paśla pačatku vajny kiraŭnik dypmisii ZŠA pierajechaŭ u budynak pasolstva. Były ambasadar śćviardžaje, što ŭ rezidencyi niama abaronienaj suviazi.
Tamu, raspaviadaje Salivan, ź siaredziny lutaha 2022 hoda ŭ amierykanskim pasolstvie było ŭstanoŭlena kruhłasutačnaje dziažurstva, jakoje praduhledžvała, što, jak tolki Rasija pačnie vajennyja dziejańni, dziažurny źviažacca z rezidencyjaj i skaža kodavuju frazu, jakaja aznačała b, što pasłu treba terminova jechać na pracu.
Salivan raspaviadaje, što «pad śmiech kaleh» abraŭ frazu hieroja Arnolda Švarcenehiera ź filma «Drapiežnik» (1987), jakaja stała miemam, «Get to the choppa!» (z anhł. — «Biažycie da viertalotu»).
«Ja padumaŭ, što kali ŭžo ruskija prasłuchoŭvajuć usio, što ja kažu pa telefonie, to niachaj jany łamajuć hałavu nad hetym paviedamleńniem», — piša jon u knizie.
«Z ruskimi ništo nikoli nie byvaje prosta», — hetuju frazu Salivan šmat razoŭ paŭtaraje ŭ svajoj knizie. Jon adznačaje, što amierykanskamu dypłamatu pry znosinach z rasijskimi kontrahientami važna staranna rychtavacca, źviartać uvahu na detali i «zastavacca ćviorda prychilnym intaresam i kaštoŭnaściam Złučanych Štataŭ».
«Heta zaŭsiody źjaŭlajecca vyprabavańniem voli, pakolki ruskija łoviać lubuju prykmietu słabaści i zapaminajuć lubuju niepradumanuju sastupku, jakoj by małavažnaj jana ni zdavałasia i jak daŭno jana ni była prapanavanaja. Na moj vopyt, jany nikoli nie adkažuć uzajemnaściu na žest dobraj voli, razhladajučy jaho prosta jak uraźlivaje miesca — toje, što treba ekspłuatavać, a nie pavažać», — padkreślivaje Salivan.
Kamientary