«Płanavaŭ vosieńniu vydalać — pasadzili letam». Błohier Vadimati raskazaŭ, jak praz turmu nie paśpieŭ papiaredzić rak
Błohier i były palitviazień Vadzim Jermašuk raskazaŭ, što paśla kałonii ŭ jaho sapraŭdy vyjavili ankałohiju — złajakasnuju miełanomu. Jana akazałasia «byccam by» treciaj stadyi (usiaho — čatyry, adlik idzie z pieršaj). Ciapier jaje ŭdała vydalili. U Vadzima da zatrymańnia nazirali radzimku, jon chacieŭ jaje vydalić — i nie paśpieŭ. Paźniej jon prasiŭ pra vizit ankołaha ŭ miescach pazbaŭleńnia voli. Ale jamu admovili, piša Hrodna.life.
Błohier Vadimati. Fota: sacsietki hieroja
«Samaje kryŭdnaje — toje, što ja viedaŭ, što ŭ mianie niešta nie toje. Prasiŭ dapamohi ŭ IČU ŭ Ščučynie, u turmie № 1 našaha Hrodna, I ŭ PK № 2. Usie hladzieli na mianie jak na durnia. Durań, jaki žartuje. Voś Hiuho napisaŭ «Čałaviek, jaki śmiajecca». Voś u mianie na tvary ŭśmieška, ale ja ŭ dušy płakaŭ», — skazaŭ Vadzim u storys instahrama. U ich jon adznačyŭ Hrodzienski harvykankam, sajt S13.ru i deputatku Pałaty pradstaŭnikoŭ Alenu Patapavu.
«Ja całkam vinavaču ich i maju na heta prava!»
Jahonaja ciotka pisała listy da kiraŭnictva kałonij, kab źviarnuli ŭvahu na radzimku błohiera. Joj dasyłali «adpiski», što «ŭsio dobra». U hety čas radzimka Vadzimu piakła, baleła, sychodziła kryvioj. Jaje paškodžvali. «Stračany čas — mahło hetaha nie być».
«Kab źniać usio z dušy, vinavaču ŭ hetaj situacyi ź miełanomaj złajakasnaj ja turmu № 1, PK 2 i Ščučynski IČU, dzie ja kazaŭ, što mnie patrebny ankołah, što mnie treba vydalić… Ja całkam zdarovy tudy trapiŭ, u mianie prosta była radzimka pad nahladam. Ja źviartaŭsia da dvuch ankołahaŭ i płanavaŭ vosieńniu vydalać — mianie pasadzili letam. Ja całkam vinavaču ich i maju na heta prava!»
Vadzim ciapier budzie znachodzicca pad nahladam. «Tamu što heta vielmi takaja brydkaja reč, moža jašče recydyŭ być, a ŭ mianie vielmi vysokaja vierahodnaść».
Błohier zaklikaŭ sačyć za zdaroŭjem i pry najmienšych pytańniach iści da lekara. Jon adznačyŭ, što samaje važnaje ŭ ankałohii — čas.
Niadaŭna vyzvaleny błohier Vadimati paviedamiŭ pra ankałahičnaje zachvorvańnie
Błohier Vadimati zapościŭ pieršaje fota paśla vyzvaleńnia z kałonii
Paśla troch hadoŭ źniavoleńnia vyjšaŭ na svabodu hrodzienski błohier Vadzim Vadimati Jermašuk
Pačaŭsia sud nad hrodzienskim błohieram Vadimati, jon admoviŭsia davać pakazańni
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary