«Heta byli pieramovy z Maskvoj, Minsk u ich nie ŭdzielničaŭ». Ofis Śviatłany Cichanoŭskaj prakamientavaŭ abmien źniavolenymi
Ofis Śviatłany Cichanoŭskaj vydaŭ kamientar adnosna mahčymaha abmienu źniavolenymi pamiž Rasijaj i zachodnimi krainami.
«My nie ŭdzielničali ŭ hetych pieramovach i majem abmiežavanuju infarmacyju. Na žal, u nas niama śviedčańniaŭ, što hety abmien moža ci moh by pryvieści da vyzvaleńnia biełaruskich palitviaźniaŭ. Vidavočna, što heta byli pieramovy z Maskvoj, i Minsk u ich nie ŭdzielničaŭ», — padkreślivaje Ofis.
«Biezumoŭna, my vitajem fakt vyzvaleńnia palitviaźniaŭ z rasijskich turmaŭ. Sam fakt takoha abmienu viaźniami, kali zakončycca paśpiachova, moža być važnym precedentam, jaki dapamoža i ŭ vyzvaleńni biełarusaŭ.
Naturalna, abmien dziela vyzvaleńnia maje na ŭvazie, što jość na kaho ci na što abmieńvać. I heta adroźnivaje biełaruskuju situacyju ad rasijskaj.
My karystajemsia kožnaj mahčymaściu, kožnym instrumientam, kab vyciahnuć našych ludziej z turmaŭ.
My stavim hetaje pytańnie rehularna pierad zachodnimi partniorami. U nas adbyvajucca kansultacyi ŭ samych roznych farmatach, naturalna, niepublična.
I my viedajem, što robiacca samyja roznyja namahańni pa vyzvaleńni biełarusaŭ.
Na žal, prablema nie z boku zachodnich partnioraŭ, a z boku režymu, jaki nie zacikaŭleny ŭ vyzvaleńni ludziej i adkryta heta demanstruje», — śćviardžaje Ofis Cichanoŭskaj.
Rasijski samalot sa źniavolenymi ŭžo pryziamliŭsia ŭ Turcyi
Staŭ viadomy poŭny śpis vyzvalenych u ramkach abmienu pamiž Rasijaj i Zachadam
Rasija vyzvaliła palitykaŭ Kara-Murzu, Jašyna, žurnalista Hierškoviča i vajskoŭca Uiłana
Z Maskvy ŭ Turcyju vylecieŭ bort Kiraŭnictva spravami prezidenta Rasii. Raniej jon braŭ udzieł u abmienach
Piaskoŭ admoviŭsia kamientavać mierkavany abmien źniavolenymi
Žurnalist Evan Hierškovič vierniecca ŭ ZŠA ŭ čaćvier u ramkach abmienu — Fox News
Bort Łukašenki z-za techničnych prablem viarnuŭsia ŭ Minsk bieź jaho16
Kamientary