Pieršyja źniščalniki F-16 pavinny prybyć va Ukrainu ŭžo nieŭzabavie, ale da hetaha času nie było viadoma, jakoje ŭzbrajeńnie budzie pastaŭlena razam ź imi. Ciapier ža The Wall Street Journal daviedałasia, što choć sami samaloty pastaviać jeŭrapiejskija krainy, bajavoje abstalavańnie dla ich pastupić z ZŠA.
Pientahon daść uzbrajeńnie dla baraćby i z naziemnymi, i z pavietranymi celami ŭ dastatkovych kolkaściach, kab zadavolić nadzionnyja patreby Ukrainy, raskazaŭ vydańniu vysokapastaŭleny amierykanski čynoŭnik: «My ŭpeŭnienyja, što zmožam pastavić usio heta [zbroju], prynamsi ŭ krytyčna nieabchodnych abjomach, jakija im patrebnyja».
Zbroja dla F-16, jakuju adpraŭlajuć ZŠA, uklučaje:
- rakiety AGM-88 HARM kłasa «pavietra — ziamla»;
- kamplekty Joint Direct Attack Munition pavialičanaj dalokaści, jakija pieratvarajuć niekiravanyja bomby ŭ «razumnuju» zbroju;
- tak zvanyja bomby małoha dyjamietru, jakija vybuchajuć z małym radyusam paražeńnia;
- udaskanalenyja rakiety «pavietra-pavietra» siaredniaj dalokaści, viadomyja jak AMRAAM;
- rakiety kłasa «pavietra-pavietra» małoj dalokaści AIM-9X.
Jeŭrapiejskija krainy nie chacieli pastaŭlać zbroju dla F-16, pakolki jaje zapasy ŭ ich abmiežavanyja. Tamu, pa słovach krynicy WSJ, było vyrašana, što jany tolki źbiaruć srodki, na jakija zbroju kupiać u ZŠA.
Pieršyja źniščalniki ad Narviehii i Danii ciapier pieradajucca Kijevu, ale kali i ŭ jakoj kolkaści jany pastupiać, zachoŭvajecca ŭ tajamnicy. Ahułam Ukraina atrymaje kala 80 samalotaŭ, ale častkami: Danija, naprykład, budzie vydzialać ich ciaham vaśmi miesiacaŭ.
Pavodle infarmacyi The New York Times, sioleta rabić bajavyja vylety, vidać, zmohuć tolki kala dziasiatka F-16, da jakich budzie prymacavana kala 20 piłotaŭ, jakija prajšli navučańnie na Zachadzie.
Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam
Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg
Pačaŭsia praces pieradačy źniščalnikaŭ F-16 Ukrainie — pieršyja samaloty ŭžo na šlachu ŭ krainu
USU mianiajuć stratehiju, rychtujučysia da prybyćcia F-16
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj11
Kamientary