Na likvidacyju nastupstvaŭ urahanu na Homielščynie adpravili amal 500 čałaviek z sudzimaściu
Na naradzie ŭ Homielskim abłvykankamie z udziełam ministra ŭnutranych spraŭ Ivana Kubrakova paviedamili, što ŭ Homielskaj vobłaści na likvidacyju nastupstvaŭ urahanu, jaki praniośsia nad jaje terytoryjaj 13-14 lipienia, adpravili ludziej, jakija nie pracujuć i stajać na ŭlikach u kryminalna-vykanaŭčych inśpiekcyjach, a taksama adbyvajuć pakarańnie na «chimii» i znachodziacca ŭ ŁPP.
Pavodle ahučanych źviestak, 16 lipienia ŭ rabotach pa adnaŭleńni paciarpiełych rehijonaŭ uziali ŭdzieł 474 hramadzianina, jakija majuć sudzimaść. Pa ŭzhadnieńni ź miascovymi orhanami ŭłady jany dapamahajuć prybirać haliny, liście, śmiećcie i pryvodziać darohi ŭ biaśpiečny dla ruchu stan, paviedamlaje MUS.
Pa słovach pieršaha namieśnika načalnika Departamienta vykanańnia pakarańniaŭ — načalnika ŭpraŭleńnia apieratyŭna-režymnaj pracy Ivana Myślickaha, pa stanie na ranicu 25 lipienia ŭdzieł u razborach zavałaŭ, ramontnych i padsobnych rabotach u vobłaści pryniali 272 čałavieki, jakija adbyvajuć pakarańnie ŭ papraŭčych ustanovach adkrytaha typu i znachodziacca ŭ ŁPP.
Na ŭborku taksama nakiravanyja kala 100 vajskoŭcaŭ v/č 5525, paviedamiŭ pieršy namieśnik kamandujučaha ŭnutranymi vojskami — načalnik štaba Alaksandr Bykaŭ.
Kamientary