«Vyjšli chłopčyki z čamadančykami». Lidar hurta RSP raskazaŭ, jak Łukašenka pryjazdžaŭ na zdymačnuju placoŭku
Lidar hurta «Raźbitaje serca pacana» Dzianis Tarasienka raskazaŭ jutub-kanału «ČiestnOK-LIVE», jak zdymaŭsia ŭ filmie «Anastasija Słuckaja». U adzin ź dzion na zdymačnuju placoŭku pryjechaŭ Alaksandr Łukašenka.
![](http://d3kcf2pe5t7rrb.cloudfront.net/img/w840d4webp1/photos/z_2022_04/shu-20220326img_07672-3d08g.jpg.webp)
«Jakraz maja źmiena vypała. Ja tam byŭ siarod rycaraŭ u kalčuhach, sa ščytami. Nas pakarmili, paśla abiedu ŭsich vystraili. Skazali: «Stojcie, čakajcie». Pryjechaŭ kartež. Vyjšli takija chłopčyki z čamadančykami. Čałaviek z dvaccać achovy. Jany nas atačyli z usich bakoŭ. Łukašenka da kožnaha padyšoŭ — «Pazdraŭlaju. Atličnaja rabota. Pazdraŭlaju» — i kožnamu pacisnuŭ ruku».
Tarasienka demanstruje svaju dałoń i zaŭvažaje: «Maja dałoń nie maleńkaja, litraŭ piać možna začarpnuć. A ŭ jaho — jak dźvie maje. Ja takoj ručyščy nie bačyŭ nikoli».
Mužčyna dzielicca dumkami, jakija ŭ jaho ŭźnikli ŭ čas sustrečy:
«Ja dumaŭ: voś heta moj čas stać nacyjanalnym hierojem Biełarusi. My byli pry ŭzbrajeńni. U nas byli žaleznyja miačy. Tupyja, ale i takim možna było hałavu adsiekčy. Raśsiekčy-ta dakładna. Nos adrezać možna było.
Ale jany tak niazručna vyciahvalisia. Patrebny byŭ čas, kab vyciahnuć. Ja dumaju: «Voś ja budu siekundu vyciahvać, i mianie ž za siekundu rasstralajuć. Nie paśpieju. Tak biazhłuzda pamierci».
Lidar hurta RSP zhadvaje, što ŭ čas sustrečy ŭ jaho byli źmiašanyja pačućci strachu, nianaviści i cikaŭnaści.
«Jon zdarovy jak byk, buhaj. Zdaravienny. Tam stolki zdaroŭja. Ja padumaŭ, što jon svajoj śmierciu budzie pamirać jašče hadoŭ vosiemdziesiat. Stolki ŭ im zdaroŭja», —
dzielicca jon uražańniami ad Łukašenki taho času.
Kamientary