Opiernaja śpiavačka Marharyta Laŭčuk, jakaja niadaŭna padzialiłasia navinoj pra šlub i ciažarnaść, prezientavała novuju pieśniu.
![](http://d3kcf2pe5t7rrb.cloudfront.net/img/w840d4webp1/photos/z_2024_07/45084-zgrrg.jpg.webp)
Marharyta Laŭčuk z mužam jeduć raśpisvacca. Fota: sacsietki śpiavački
Muzyku i tekst pieśni «Znaju» zapisali ŭkrainskija muzyki Alaksandr Čemieraŭ i Siarhiej Žadan. Heta stała padarunkam da viasiella Marharyty. Jaje muž — ukrainski vajskoviec Rusłan Karnijka — začytaŭ rep.
Pieśnia zapisana pa historyi kachańnia pary. Słovy pa-ŭkrainsku, ale možna pačuć i napieŭku biełaruskaj «Kupalinki».
Pieśnia ŭžo dastupna na roznych płatformach (možna pasłuchać, naprykład, na Spotify).
Kamientary
Česna sprabavaŭ znajści na roznych płatformach. Na youtube niama. Na instagram pra "usie płatformy" biez spasyłak. Pra spotify aŭtar nie piša, ale dapamahaje redakcyja. Ok, idu tudy. Biez rehistracyi nie daje nacisnuć na "play". Paśla rehistracyi "play" zakreślena čamuści.
10 chvilin času zhubiŭ, ničoha nie atrymałasia. Pačakaju, kali źjavicca viersija biez kvestaŭ pasiaredzinie.