Na vystavie «Uładzimir Mulavin. Spadčyna vialikaha maestra», jakaja adkryłasia ŭ Viciebskim krajaznaŭčym muziei, pradstaŭlenyja redkija ekspanaty, piša BiełTA.
Vystavačny prajekt inicyjavany Nacyjanalnym histaryčnym muziejem Biełarusi. Jon stvorany ŭ supracoŭnictvie ź Biełaruskaj dziaržaŭnaj fiłarmonijaj, Biełaruskim dziaržaŭnym archivam kinafotafonadakumientaŭ, Biełaruskim dziaržaŭnym archivam-muziejem litaratury i mastactva, Muziejem Mulavina.
Na vystavie pradstaŭlenyja zbornyja płanšety, zahałoŭkami na jakich słužać słovy ź pieśniaŭ ansambla «Pieśniary», stvaralnikam i niaźmiennym kiraŭnikom jakoha byŭ Uładzimir Mulavin. Kalektyŭ staŭ brendam Biełarusi, u biahučym hodzie jon adznačaje 55-hodździe.
Płaścinki, fatahrafii, prajhravalniki, afišy, a taksama notnyja rukapisy — usio heta možna ŭbačyć u kalekcyi, pradstaŭlenaj u viciebskaj ratušy. Taksama ŭ ekspazicyi pradstaŭlenyja kancertnyja kaściumy i muzyčnyja instrumienty «Pieśniaroŭ».
«Akramia ŭnikalnych fatahrafij, jakija raskazvajuć pra hastrolnaje žyćcio ansambla, pra zakuliśsie, čaho my jak prostyja hledačy nie bačyli nikoli, na ekspazicyi pradstaŭlenyja vydatnyja malaŭničyja eskizy kaściumaŭ, jakija ŭ pierasoŭnym vystavačnym prajekcie pradstaŭlajucca ŭpieršyniu», — raskazaŭ zahadčyk adździeła Viciebskaha abłasnoha krajaznaŭčaha muzieja Arciemij Vasilevič.
Mark Formelle prezientavaŭ škarpetki z cytatami z «Pieśniaroŭ»
Kružełku z aŭtohrafami Uładzimira Mulavina i inšych muzykaŭ «Pieśniaroŭ» pradajuć za 1500 rubloŭ
U Minsku pradajuć kvateru Uładzimira Mulavina
Vyjaviłasia, što salist «Pieśniaroŭ» Leanid Bartkievič — rodzič adnaho z ajcoŭ BNR
Artyst «Biełaruskich pieśniaroŭ» Uładzisłaŭ Misievič raspavioŭ, jak syšoŭ z ansambla ŭ 2020-m
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary