Siłavik, jaki ździekavaŭsia z zatrymanych u Minsku paśla vybaraŭ: Nu, b***, mała davaŭ
Błohier Andrej Pavuk pazvaniŭ siłaviku, jaki, jak śviedčać paciarpiełyja, datyčny da katavańniaŭ u Maskoŭskim RUUS Minska. Frahmient razmovy pakazali na «Biełsacie».
Niadaŭna Mižnarodny kamitet pa rasśledavańni katavańniaŭ u Biełarusi vypuściŭ rasśledavańnie pra toje, što adbyvałasia ŭ Maskoŭskim RUUS Minska 9—13 žniŭnia 2020 hoda i chto datyčny da źbićcia ludziej.
Adzin ź fihurantaŭ hetaj spravazdačy — siłavik Dźmitryj Androsaŭ, u 2020-m jon byŭ supracoŭnikam PPS. Pa raskazach paciarpiełych, z 9 pa 10 žniŭnia 2020 hoda jon byŭ u Maskoŭskim RUUS i ździekavaŭsia z zatrymanych. Pavuk pazvaniŭ jamu i pradstaviŭsia starym znajomym.
Kali błohier zapytaŭ pra padziei tych dzion, Dźmitryj adreahavaŭ tolki:
«Nu, b***, mała davaŭ».
Pavuk skazaŭ siłaviku, što voś-voś u internecie vyjdzie materyjał pra toje, što tady było ŭ RUUS. Androsaŭ spytaŭ, što pra jaho tam napisana, i ŭsio śmiajaŭsia.
«Kali pabačyš chutka film pa siabie, nie chvalujsia», — kaža jamu błohier.
«Ja ŭ mascy byŭ», — adkazvaje Androsaŭ.
A paśla prychodzić da vysnovy, adkul ža ŭspłyła jaho imia:
«Chtości zdaŭ, na*. Sa svaich, na*».
Ale siłavik supakojvaje siabie:
«Dy i kali heta było? Užo niapraŭda. Chutka 2025-ty pačniecca».
Kamientary
Karnik jašče nie zrazumieŭ, što kali režym abryniecca - hetkija zdačy stanut masavaj źjavaj, bo kožny karnik budzie imknucca abialić sabie i zvalić usie na Łukašenku, načalstva i kaleh. A 2025 ci paźniej - heta ničoha nie źmianiaje, bo artykuł 128 KK terminu pazyŭnaj daŭniny nie maje.