Сілавік, які здзекаваўся з затрыманых у Мінску пасля выбараў: Ну, б***ь, мала даваў
Блогер Андрэй Павук пазваніў сілавіку, які, як сведчаць пацярпелыя, датычны да катаванняў у Маскоўскім РУУС Мінска. Фрагмент размовы паказалі на «Белсаце».
Нядаўна Міжнародны камітэт па расследаванні катаванняў у Беларусі выпусціў расследаванне пра тое, што адбывалася ў Маскоўскім РУУС Мінска 9—13 жніўня 2020 года і хто датычны да збіцця людзей.
Адзін з фігурантаў гэтай справаздачы — сілавік Дзмітрый Андросаў, у 2020-м ён быў супрацоўнікам ППС. Па расказах пацярпелых, з 9 па 10 жніўня 2020 года ён быў у Маскоўскім РУУС і здзекаваўся з затрыманых. Павук пазваніў яму і прадставіўся старым знаёмым.
Калі блогер запытаў пра падзеі тых дзён, Дзмітрый адрэагаваў толькі:
«Ну, б***ь, мала даваў».
Павук сказаў сілавіку, што вось-вось у інтэрнэце выйдзе матэрыял пра тое, што тады было ў РУУС. Андросаў спытаў, што пра яго там напісана, і ўсё смяяўся.
«Калі пабачыш хутка фільм па сябе, не хвалюйся», — кажа яму блогер.
«Я ў масцы быў», — адказвае Андросаў.
А пасля прыходзіць да высновы, адкуль жа ўсплыла яго імя:
«Хтосьці здаў, на*. Са сваіх, на*».
Але сілавік супакойвае сябе:
«Ды і калі гэта было? Ужо няпраўда. Хутка 2025-ты пачнецца».
-
Ксёндз Анджэй Юхневіч: Я рызыкую быць прыцягнутым да суда, але мне б хацелася, каб гэтае пярэчанне было пачутае публічна
-
У Белавежскай пушчы маланка разарвала 200-гадовы дуб ВІДЭА
-
56 лаўрэатаў Нобелеўскай прэміі заклікалі Лукашэнку і ААН падтрымаць правядзенне ўсеагульнай палітычнай амністыі ў Беларусі
Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю5
Каментары
Карнік яшчэ не зразумеў, што калі рэжым абрынецца - гэткія здачы станут масавай з'явай, бо кожны карнік будзе імкнуцца абяліць сабе і зваліць усе на Лукашэнку, начальства і калег. А 2025 ці пазней - гэта нічога не змяняе, бо артыкул 128 КК тэрміну пазыўнай даўніны не мае.