Čynoŭniki adrapartavali ab naradžeńni ŭ Biełarusi 156 dziaciej, ź ich u Minsku — 55 dziaciej. Heta značna bolš, čym u papiarednim hodzie.
Pakolki demahrafičnyja źviestki publikujucca ŭ Biełarusi davoli redka, 3 lipienia — adna ź niamnohich mahčymaściaŭ adsačyć aktualnyja źviestki. Dziaržaŭnyja ŚMI zvyčajna publikujuć kolkaść narodžanych u hety dzień.
Pavodle aficyjnaj statystyki, u 2024 na Dzień Niezaležnaści naradziłasia 156 dziaciej.
Heta našmat bolš, čym u papiarednija dva hady.
Kolkaść narodžanych u Biełarusi 3 lipienia
2024 — 156
2023 — 121
2022 — 117.
Adnak aptymizmu stanovicca našmat mieniej, kali paraŭnać ahulnabiełaruskija ličby z hadami, jakija papiaredničali 2020-mu.
Tak u 2017 hodzie paviedamlałasia ab naradžeńni na Dzień Niezaležnaści 214 dziaciej. U 2018 i 2019 było adpaviedna 181 i 189 narodžanych.
Źviestki pa 2020-m i 2021-m hodzie adsutničajuć.
Anamalny Minsk
Za košt čaho byŭ dasiahnuty taki pryrost? Pieradusim za košt stalicy.
U Minsku na śviet źjaviłasia 55 dziaciej, choć letaś było tolki 20 niemaŭlataŭ. Pryrost na 175%!
U astatnich rehijonach situacyja źmianiłasia nie tak istotna. Naprykład, na Minščynie ličba vyrasła z 23 da 26, na Hrodzienščynie ličba — z 12 da 16, na Viciebščynie — z 9 da 12.
Na Mahiloŭščynie zafiksavana 15 narodžanych, jak i hod tamu.
A voś na Homielščynie kolkaść naradžeńniaŭ źmienšyłasia z 22 da 16 dziaciej, na Brestčynie — z 20 da 14 dziaciej.
Łukašenka pryznaŭ, što maje patrebu ŭ adpačynku i što vialikaja kolkaść ludziej jaho praklinaje37
Kamientary
moža nie chočuć novanarodžanyja, kab ich u hety dzień naviedvali čynoŭniki?