Biełaruś stała paŭnapraŭnym, dziasiatym pa liku členam «siamji ŠAS».
Biełaruś stała členam Šanchajskaj arhanizacyi supracoŭnictva. Adpaviednaje rašeńnie padpisana padčas pasiadžeńnia Savieta kiraŭnikoŭ dziaržaŭ — členaŭ ŠAS u Astanie, piša BiełTA.
Takim čynam, Biełaruś stała paŭnapraŭnym, dziasiatym pa liku členam «siamji ŠAS».
Anałahičnym statusam u arhanizacyi vałodajuć Indyja, Iran, Kazachstan, Kitaj, Kyrhyzstan, Pakistan, Rasija, Tadžykistan i Uźbiekistan.
«ŠAS dla Biełarusi nie prosta mižnarodnaja arhanizacyja. Heta stratehičnaja pierśpiektyva. Pierš za ŭsio ŭ handlova-ekanamičnym i inviestycyjnym uzajemadziejańni, raźvićci transpartna-łahistyčnaj, infarmacyjna-kamunikacyjnaj i inšaj infrastruktury», — kazaŭ napiaredadni Łukašenka.
Biełaruś udzielničaje ŭ ŠAS z 2010 hoda ŭ statusie partniora pa dyjałohu i z 2015 hoda — u statusie naziralnika. U Samarkandzie pa vynikach Savieta kiraŭnikoŭ dziaržaŭ 16 vieraśnia 2022 hoda padpisana rašeńnie ab pačatku pracedury ŭstupleńnia ŭ členy arhanizacyi. U ramkach hetaha pracesu Biełaruś dałučyłasia da bolš čym 40 damovaŭ.
Paśla taho jak Biełaruś pavysiła svoj status u arhanizacyi, u šerahach naziralnikaŭ zastalisia Afhanistan i Manholija. Partniorami pa dyjałohu ŠAS źjaŭlajucca 14 krain: Azierbajdžan, Armienija, Bachrejn, Jehipiet, Kambodža, Katar, Kuviejt, Maldyvy, Mjanma, Niepał, AAE, Saudaŭskaja Aravija, Turcyja i Šry-Łanka.
Šanchajskaja arhanizacyja supracoŭnictva — pastajanna dziejnaja mižuradavaja mižnarodnaja arhanizacyja, ab stvareńni jakoj było abvieščana 15 červienia 2001 hoda ŭ Šanchai (KNR). Pieršapačatkova heta była «šanchajskaja piaciorka» — Kazachstan, Kitaj, Kyrhyzstan, Rasija i Tadžykistan. Padmurkam dla abjadnańnia ŭ ramkach ŠAS krain z roznymi palityčnymi sistemami, tradycyjami i kaštoŭnaściami vystupili śfiera biaśpieki i handlova-ekanamičnyja adnosiny.
Ahulnaj metaj stała zabieśpiačeńnie spryjalnaj mižnarodnaj abstanoŭki zychodziačy z pryncypaŭ «šanchajskaha duchu», hałoŭnym źmiestam jakoha abvieščanyja ŭzajemnaje davier i vyhada, raŭnapraŭje, uzajemnyja kansultacyi, pavaha raznastajnaści kultur i cyvilizacyj, imknieńnie da sumiesnaha raźvićcia.
-
«Patuhi, vałtuźnia i brudnyja mietady». Ryžankoŭ zajaviŭ, što Minsk spakojna hladzić na zvarot Litvy ŭ sud u Haazie
-
Žycharka Pinščyny paskardziłasia, što były muž nie płacić alimienty na troch dziaciej. Akazałasia, dvoje ź ich nie jaho
-
U Hrodnie chirurhi vyratavali 98-hadovuju pacyjentku, vykanaŭšy joj składanuju apieracyju
Kamientary
Udivitielno, čieho nie sdiełaješ radi niezakonnoho zachvata vłasti i pieriedači jejo po naśledstvu. Radi takich, vysokich cielej, možno i nužno, zahnať biełarusov nie tolko v russkij okop, russkuju ziemlanku, no i v jurtu, zastaviť jesť kuźniečikov, tarakanov i učiť kitajskij, trietij hosudarstviennyj jazyk Biełarusi.
Pokazatielno, na Jevrońjus, parallelno, krutiat siužiet o postrojkie stieny i rva s krokodiłami na hranicie s RF i RB. A vied́ nie zria strojat i rojut, oj nie zria.
Poniatno, čto otriezali siebia ot pieriedovych, piervičnych tiechnołohii Zapada, ot mirovoj, finansovoj sistiemy, vmiestie s putinym, razduli požar Vojny v Jevropie, otriezali ot normalnoj miediciny, socialnych standartov, a značit obriekli biełarusov na niŝietu i proziabanije na skotnom dvorie łukašienok (okopie i ziemlankie russkoho mira), postrojennom na zadvorkach šovinističiesko-impiersko-fašistskoj Rośsii i vsio radi błaha i błahopołučija etoj, staroj, vyživšiej iz uma razvaliny, kotoraja diełajet umnyj i mnohoznačitielnyj vid na foto.